Doim yashil sarv Sharq biotasi, platikladus

4-rasm. Doim yashil sarv (Cupressus sempervirens)

Shahar sharoitiga, ayniqsa uning gazli muhitiga chidamli. Landshaft qurilishda keng qoʻllaniladigan sarv turi hisoblanadi, yoshligidan shakl berib yetishtiriladi. Uning kolonnasimon va piramidal shoxshabbalarinikesib har-xil shakllarni hosil qilish mumkin.
Gʻarb tuyasi (Thuja occidentalis).Balandligi 10-12 m, diametri 1 m keladigan Sarvidoshlar oilasiga mansub daraxt. Ayrim daraxtlarining balandligi 30 m gacha ham yetadi. Shox-shabbasi piramidasimon va jigar rangda. Katta yoshida tanasi poʻstlogʻini tashlab turadi. Birlamchi va ikkilamchi novdalari yassi boʻlib, yasmiqchali. Ular uchinchi yili silindr shakliga kiradi. Shox-shabbasi zich joylashgan.
Barglari yozda toʻq yashil, qishda yashil-qoʻngʻir rangda boʻladi, smola bezlari yoʻq. Yuqori novdalardagi barglari oʻtkir uchli, qattiq, yon novdalaridagisi toʻmtoq va oval shaklda boʻlib, novdaga yopishib joylashadi. Ular daraxtda 2-3 yilgacha saqlanadi. Gʻarb tuyasi bir uyli oʻsimlik. Qubbalari 5-6 juft tangachadan iborat boʻlib, choʻziqroq-tuxumsimon, boʻyi 10-15 mm. Ular kuzda yetiladi, bu vaqtda tangachalari ochilib, ichidan qanotchali urugʻlari toʻkiladi.
1000 dona urugʻining ogʻirligi 1,4 g keladi.