Домкрат,чиғир ва таллар. Қурилиш кўтаргичлари. Минорали кранлар

9.2.2. Ўзи кўтарувчи вишкалар, люлька (кажава) ва супалар (подмостки) шаҳар қурилишидаги ҳажми катта бўлмаган монтаж, пардозлаш ва ремонт ишларида кенг қўлланилади. Улар бир ёки бир нечта ишчини асбоблар ва унча кўп бўлмаган материаллар билан юқорига кўтариш учун мўлжалланган.
Кўтаргич ва телескопик вишкалар юк автомобиллари, трактор ва пневмоғилдиракли махсус шассиларга ўрнатилади. Тузилиши жиҳатидан юк кўтаргичлар телескопик вишка ва энг кўп қўлланадиган гидравлик кўтаргичларга бўлинади.

9.6 -расм. Телескопик вишка ва гидрокўтаргичларнинг принципиал схемаси.

Вишкаларда телескопик (9.6-расм, а) ёки ричагли (9.6-расм, б) кўтаргичларнинг юқори қисмига жойлашган беланчак ёки майдончалар фақат вертикал бўйлаб ҳаракатланади, ричаг-шарнирли (9.6-расм, в), телескопик-шарнирли (9.6-расм, г) ва телескопик — ричаг-шарнирли (9.6-расм, д), автогидрокутаргичларда эса, улар вертикал ва горизонтал ҳамда машина турган сатҳдан пастга ҳам ҳаракатланади. 9.6-расм, е да автомобил асосидаги гидравлик кўтаргичнинг принципиал схемаси берилган.

Автомобиль кутаргичи (9.7-расм, а), асос автомобиль 1, тирсакли стрела 3, шарнирли ўрнатилган бир ёки иккита кажава 4, таянч стойка 2, бошқариш пульти 5, бурилма платформа 6, стрелани кўтарадиган гидроцилиндр 7 ва чиқма таянч гидроцилиндрлар 8 дан тузилган. Унинг ишлаш зонаси 5.17- расм, б да кўрсатилган.
Вишкаларнинг телескопик секциялари ва кўтаргичларнинг стрела секцияларини ҳаракатлантириш канат-блок системаси (полистпастлар) ва комбинацияланган усулларни қўллаб, гидроцилиндр ёрдамида бажарилади. Автогидрокўтаргичларнинг стрелалари ўзаро шарнирли бириктирилган бошқариладиган икки-уч секциялардан тузилган. Стрелани планда айлантириш-буриш қурилмаси ёрдамида бажарилади. Кўтаргичлар айланиш рамасига жойлашган бошқариш пультидан бошқарилади. Баландда ва ерда туриб ишлаётган ишчилар ўртасидаги алоқа учун икки томонлама гаплашиш қурилмаси хизмат қилади.
Телескопик вишкаларнинг юк кўтарувчанлиги 0,15...0,35 т бўлганда 12...26 м гача баландликка, автогидрокўтаргичлар эса юк кўтарувчанлиги 0,4 т бўлганда 37 м баландликка юк чиқара олади. Айрим кўтаргичларни стрелали кранлар ўрнида ишлатса ҳам бўлади, чунки стреланинг пастки тирсаги каллагига юк кўтарувчанлиги 1 т бўлган юк илгаги ўрнатиш кўзда тутилган.

9.7-расм. Автогидрокўтаргич.