Don ekinlari

3. Sut va sut maxsulotlarini jo’natish va saqlashga bo’lgan talablar

 

Xom sut va uni qayta ishlash maxsulotlarini tashish uchun tez buziluvchan yuklarni tashish qoidalariga mos keluvchi va ularni xavfsizligini ta’minlovchi maxsus transport vositalaridan (sovutiladigan kuzovlar, refrijeratorlar) foydalanilishi kerak.

Xom sut, sut va sut maxsulotlarini jo’natish ishlab chiqaruvchi tomonidan tashish sharoitlarini xisobga olgan holda texnologik xujjatlarda  belgilangan saqlash sharoitlari va jo’natish usullariga muvofiq amalga oshirilishi kerak.

Xom sutni tashishga mo’ljallangan transport vositalarini konstruksiyasi ifloslanishidan asrashi, shuningdek ularni tozalash va yuvish imkoniyatini ta’minlashi lozim.

Sut va sut maxsulotlarini barqaror (begona) xid va uning o’ramini ifloslantiradigan yuklar bilan birga tashilishiga yo’l qo’yilmaydi.

Jo’natish va saqlashda sut va sut maxsulotlari ularni kelib chiqishi, xavfsizligi, saqlash sharoitlari va saqlash muddatlarini tasdiqlovchi xujjatlar bilan birga uzatib borilishi kerak.

Sut va sut maxsulotlarini realizasiya qilinishi jarayonida ishlab chiqaruvchi tomonidan belgilangan saqlash sharoitlariga rioya qilinishi kerak.