Elektr energiyasi sanoati elektr energiyasini ishlab chiqarish va uni iste'molchilarga uzatish tarmoqlaridan iborat. Ushbu tarmoq mamlakat yoki iqtisodiy rayon miqyosida sanoatni joylashtirishga muhim ta’sir koʻrsatadi

1-rasm. GES ishlashi struktura sxemasi
T–turbina, N–nazorat va boshqarish qurilmasi; U–tishli uzatish; G-generator.
Elektr energiya ishlab chiqarish jarayoni boʻyicha gidroenergetika - yuqori foydali ish koeffistienti (f.i.k.) ga ega boʻlgan texnologiyadir, koʻpincha issiqlik elektr stanstiyalariga nisbatan ikki martadan koʻproq f.i.k. ga ega . Buning sababi shundaki, yuqoridan pastga vertikal tushuvchi suv hajmi, oʻzida katta kinetik energiya zaryadini olib keladi. Uni elektr energiya ishlab chiqarish uchun zarur boʻlgan (aylanuvchi) mexanik energiyaga oʻzgartirish oson. Gidro elektr stanstiyalar jihozlari etarli darajada puxta ishlab chiqarilgan boʻlib, nisbatan oddiy va ishonchlidir. GES lar elektr energiya ishlab chiqarishi jarayonida (issiqlik elektr stanstiyalaridan farqli ravishda) hech qanday issiqlik (yonish jarayonlari) boʻlmaganligi sababli, jihozlarini ishlatish muddatlari davomli boʻlib, ishdan chiqish vaziyatlari juda kam uchraydi. GES larni ishlatish muddati - 50 yildan koʻproqdir. Yurtimizda gidroenergetika gurkirab rivojlanishining birinchi davri - XX asr 20-50 yillarida - qurilgan stanstiyalar hali-hanuz ishlab turibdi.
GES larning barcha ishchi jarayonlarini markaziy boshqarish punkti orqali masofadan boshqarish va nazorat qilish imkoni boʻlganligi sababli, bevosita ish joyida texnik personalning kichik guruhi boʻlishi etarlidir. Hozirgi kunda kichik va katta quvvatli (1 kVt dan birnecha yuz mVt li) gidro elektr stanstiyalarni ekspluatastiya qilish boʻyicha katta tajribalar mujassamlangan. Barcha iste’molchi yuklanishlari (quvvatlari) yigʻindisining sutka soatlariga bogʻliqligini koʻrsatuvchi grafik 9.4 rasmda koʻrsatilgan. Barcha elektr energetika tizimlari singari, Oʻzbekiston energetika tizimida ham iste’molchi quvvati oʻzgarib turishining maksimal va minimal qiymatlari mavjud ekan. Energetika tizimining yuklanish grafigi (qisqacha: sutkali yuklanish grafigi) dan shuni koʻrish mumkinki, sutka davomida istemolchi olayotgan umumiy quvvat bilan energiya ishlab chiqaruvchi barcha elektr stanstiyalar umumiy quvvatlari doimo teng boʻlishini ta’minlash uchun, GES lar energiya koʻproq zarur boʻlgan sutkaning ma’lum vaqtlarida ishga tushirilishi va qolgan vaqtlarda tarmoqdan uzilishi kerak ekan [4]. Albatta, GES larning yuklanish grafigini tezkorlikda «tekislash» imkoniyatlari issiqlik elektr stanstiyalariga nisbatan katta samaraga ega.
2-rasmda: R_baz – tungi quvvat pasayuvi (proval) yoki barcha stanstiyalar betoʻxtov ishlashi lozim boʻlgan generatorlari quvvati yigʻindisi; P_min – istemolchi yuklanishining kunduzgi pasayuvi; P_max – yuklanishning kechqurungi maksimumi; P’max – yuklanishning ertalabgi maksimumi; P’_var = (P_max-R_baz) – zahiradagi generatorlar maksimal quvvati; P_var = (P’_max -R_baz) – zahira generatorlarining minimal quvvati.