Электр ускуналарида фойдаланиладиган

1000 В дан юқори кучланишни кўрсатувчи газоразрядли индикатор лампали асбоблар
2.1.29. 1000 В гача ва ундан юқори кучланиш кўрсатгичларига қўйилган умумий техник талаблар ГОСТ 20493-75* да келтирилган.
2.1.30. Электр ускуналарда кучланиш бор ёки йўқлигини аниқлашга мўлжалланган кўрсаткичлар қўлда олиб юриладиган кучланиш кўрсатгичларидир. Кучланиш кўрсатгичларининг ишлаши газоразрядли индикатор лампадан сиғим токи ўтганда ёниш принципига асосланган.
2.1.31. Кучланиш кўрсатгичи ишчи, изоляцияловчи қисмлар ва дастакдан ташкил топган. Ишчи қисмга учлик - контакт, газоразрядли лампа ва конденсаторлар киради. Изоляцияловчи қисм ишчи қисм билан дастак оралиғида жойлашган бўлиб, бир неча элементдан ясалган бўлиши мумкин. Телескопик конструкцияларни ишлатшпга ҳам рухсат берилади.
2.1.32. Кучланиш кўрсатгичининг ўлчамлари 2.4-жадвалда келтирилган ўлчамлардан кам бўлиши керак эмас.
2.1.33. Кучланиши 10 кВ дан юқори бўлган электр ускуналарида 2.2-жадвалдаги узунликка мос бўлган изоляцияловчи штангаларга маҳкамланган, 2-10 кВ кучланиш учун мўлжалланган кучланиш кўрсатгичидан фойдаланиш мумкин.
2.1.34. Кучланиш кўрсатгичининг сезгирлиги унинг лампаси минимал кучланишда ёниши билан, яъни сигнал лампасининг барқарор нурланиши билан характерланади.
1000 В дан юқори кучланишда қўлланиладиган кўрсатгичнинг ёниш кучланиши ушбу электр ускуналари номинал кучланишининг 25 фоизини ташкил қилиши зарур.
2.1.35. Кучланиш кўрсатгичини ишлатишдан олдин унинг ишга яроқлилиги махсус асбоблар билан ёки яқин ерда жойлашган ва олдиндан кучланиш остидаги ток ўтказувчи қисмларга яқинлаштириш билан текширилади.
2.1.36. Кучланиш кўрсатгичини ишлатиш жараёнида, уни ток ўтказувчи қисмларга лампасида нурланиш пайдо бўладиган масофага қадар яқинлаштириш керак. Яқинлаштирилган вақтда лампада нурланиш пайдо бўлмаган ҳоллардагина асбобни ток ўтказувчи қисмга бевосита тегизиш мумкин. Кундузги ёруғ вақтда очиқ тақсимловчи ускуналарда, ҳаво электр узатиш тармоқларида ва ҳоказоларда ишлаш жараёнида лампа нурланишини яхши кузатиш учун улар офтобдан тўсувчи мосламалар билан таъминланиши лозим.