Ёнfин хавфсизлиги

I.Боб


Ёнғин хавфсизлиги
хизматлари фаолиятини ташкиллаштириш






1.1. Ёнғинларни суриштириш
Тингловчиларнинг билимлари, амалий ишлари ва кўникмаларига
қўйиладиган талаблар
«Ёнғинларни суриштириш» фани бўйича якуний давлат аттестацияларига тайёргарлик кўришнинг асосий мақсади бу – тингловчилар томонидан ёнғинларни суриштириш ишларининг услубияти ва ёнғин-техник экспертизасини ўтказиш масалалари бўйича назарий билимларни эгаллаш ҳисобланади. Унинг асосий вазифаси бўлиб эса тингловчилар томонидан ёнғинларни суриштириш пайтида лозим бўлиш эҳтимоли бўлган жиноят ва жиноят-процессуал қонунчилигининг нормаларини тўғри тушунтириб бера олишлари учун зарур бўлган билимларни ўзларида шакллантириш, шунингдек конкрет ёнғиннинг сабабини аниқлаш бўйича кўникмалар ҳосил қилиш хизмат қилади.
Ушбу услубий қўлланмани ўзлаштириш натижасида ҳар бир тингловчи:
қуйидаги тасаввурларга эга бўлиши лозим:

• 
  ёнғинлар билан боғлиқ ишларда экспериментлар ўтказилиши ҳақида;
  
• 
  ёнғинлар бўйича амалга оширилиши мумкин бўлган барча тергов ҳаракатлари ҳақида;
  

қуйидагиларни билиши ва бажара олиши зарур:

• 
  ёнғинларни суриштириш услубиятининг мазмуни ва моҳиятини очиб берувчи асосий қоидалар ва тушунчаларни;
  
• 
  ёнғинларнинг келиб чиқиши, тарқалиши ва оқибатлари билан боғлиқ бўлган сабаблар ва шарт-шароитларнинг кўп хиллигини (турларини);
  
• 
  ёнғинларнинг техник сабаларини аниқлаш услубларини;
  
• 
  суриштирув органи томонидан олиб борилиши лозим бўлган барча ҳаракатлари ва тузиладиган ҳужжатларни;
  
• 
  жиноят-процессуал қонунчилигининг кечиктириб бўлмайдиган тергов ҳаракатларига оид талабларини;
  
• 
  ёнғин-техник экспертизасини тайинлаш ва ўтказишнинг асосий принципларини;