Giyohvandlik profilaktikasi. Narkomaniyaga qarshi kurashishning eng ishonchli yo’li – bu profilaktikadir. Ma’lumki, har qanday kasallikni da’volashdan ko’ra, uning oldini olish osonroqdir. Giyohvandlik o’ta makkor kasallik, u nafaqat inson salomatligiga putur yetkazadi, balki u bemor oilasini buzadi, uning jamiyatdagi mavqeiga rahna soladi, moddiy boyligini kemiradi, oxir oqibatda bunday bemor olamdan ko’z yumadi.
Bolalar va o’smirlar o’rtasida giyohvandlik profilaktikasi ishlari ko’p qirrali bo’lishi lozim. Bu ishda giyohvandlikning tarqalishiga qarshi ta’sir mexanizmini yaratishda, jamiyatning barcha qatlamlari ishtirok etishi kerak, aniqrog’i giyohvandlik profilaktikasi multisektoral xarakterga ega bo’lishi darkor. Bu:
Maktab va boshqa ta’lim maskanlari;
Mahalla qo’mitalari;
Oila;
Sog’liqni saqlash tizimining birlamchi zvenosi (poliklinikalar);
Huquqni himoya qilish organlari xizmatchilari (uchastka militsionerlari).
Do'stlaringiz bilan baham: |