|
Фермер хўжаликлари фаолиятида ахборот коммуникация технологияларини қўллаш
Ўзбекистон Республикасини ривожлантириш бўйича Ҳаракатлар стратегиясида назарда тутилганидек, тизимли асосда юридик ва жисмоний шахсларнинг мурожаатлари билан ишлаш бўйича Виртуал қабулхона фаолияти, шунингдек ҳудудлардаги Халқ қабулхоналарининг фаолияти йўлга қўйилиши жамиятимизда “Инсон манфаатлари — барча нарсадан устун” деган эзгу ғоянинг амалга ошишига хизмат қилмоқда. 2017−2021 йилларга мўлжалланган стратегиядан кўзланган мақсад - олиб борилаётган ислоҳотлар самарасини янада ошириш, давлат ва жамият ривожини янги босқичга кўтариш, ҳаётнинг барча соҳаларини либераллаштириш, мамлакатимизни модернизация қилиш бўйича энг муҳим устувор йўналишларни амалга оширишдан иборат.
Ҳаракатлар стратегиясининг амалга оширилиши Ўзбекистон Республикасининг мамлакатни ислоҳ қилиш ва модернизациялаш, ривожланган бозор иқтисодиётига асосланган ҳуқуқий демократик давлат, кучли фуқаролик жамияти барпо этиш, қонун устуворлигини, хавфсизлик ва ҳуқуқ-тартиботни, давлат чегараларининг дахлсизлигини, жамиятда миллатлараро тотувлик ва диний бағрикенгликни таъминлаш йўлидаги шахдам ҳаракатларига янги куч бағишлайди.
Бугун аҳолининг тўғридан-тўғри у ёки бу хизматни кўрсатувчи субектга мурожаат қилиши — мавжуд муаммо ёки масаланинг янада тезкор ҳал этилишига олиб келади. Боиси, юқори турувчи органга келиб тушган мурожаатнинг ижро учун яна қуйига йўналтирилиши вақтни талаб қилади. Бугун қуйи тизимдаги ташкилотлар ҳам фуқаро мурожаатига жиддий қараши кераклигини, натижадан қониқмаган мурожаатчи ҳар қандай ҳолатда Виртуал қабулхонага мурожаат қилиши мумкинлигини яхши англайди. Қолаверса, мурожаатнинг мазмунига кўра тўғри йўналтирилиши ҳам муҳим масала. Айнан шу мақсадда ҳам барча давлат органлари ҳам ўзларининг виртуал қабулхоналарини ташкил қилишмоқда.
Республикамиз ўз мустақиллигига эришганидан сўнг жамиятимизда бир қатор қонунлар ва умуммиллий дастурларнинг қабул қилиниши, ҳуқуқий демократик жамиятни барпо этишда ва буюк келажак сари олға қадам қўйишимизда мустақил пойдевор бўлиб хизмат қилмоқда. Республикамизда барча соҳа сингари қишлоқ хўжалиги тизимида ахборот технологияларидан самарали фойдаланишга катта эътибор қаратилмоқда.
Замонавий ахборот жамиятида ҳар бир фермер кучли симсиз алоқа воситаларидан фойдаланган ҳолда дунёдаги ҳар қандай жойдан глобал Интернет тармоғига улана олади. Фермерлар ўз хўжаликлари фаолиятининг барча аспектларини умумий Интернет тармоғига уланган компютерлари билан таъминласалар, уларнинг фаолиятини реал вақда кузатишлари мумкин.
Корея ва Японияда компютерлар ёрдамида иссиқхоналарни назорат қилиш имкониятларини бўйича биринчи ўрганишлар ўтказилди. Агар иссиқхоналарда иқлимни бошқариш тизимлари интернетга чиқиш имконияти бўлганда, иссиқхона эгаларига масофадан туриб зарур шарт-шароит яратиш имконини берарди. Бу ўсимлик ўсиши шароитларни визуал текшириш ва баҳолаш учун назорат камераларидан фойдаланиш ҳам мумкин. Яқин келажакда мобил компютерлар фойдаланиш фермерларга мониторинг юритиш ҳамда иҳтиёрий жойдан автоматлаштирилган тизимдан масофавий фотдаланиш ва унинг функцияларини бошқариш имкониятлари туғилади.
Чорвачилик учун ахборот технологиялари соҳасидаги турли ҳодисалар катта қизиқиш уйғотмоқда. Чунки миниатюрали сенсорлар барча ҳайвонларга жойлаштирилиши ёки бириктирилиши мумкин. Бу ҳолда махсус дастурий таъминот ва електрон воситалар асосида ҳайвонларнинг қайердалигин, ҳар бир турдаги ҳайвонларнинг алоҳида турлари учун соғлиғи ва иштаҳаси ҳақидаги маълумотларниг Интернет орқали олиш мумкин бўлади.
Ахборот жамиятини ривожлантиришда замонавий қишлоқ хўжалиги реал вақт ичида ҳоҳлаган жойда ҳамда қулай вақда интернет орқали барча керакли маълумотларни олишни назарда тутиши керак. Мисол учун, об-ҳаво маълумотларининг доимий маълумоти кун давомида фермерларга берилиши мумкин. Бу кимёвий воситалар ёрдамида ўсимликларни ҳимоя қилишдан янада самарали фойдаланишга имкон беради, шунингдек атроф-муҳит ифлосланиши хавфини камайтиради.
Замонавий ахборот технологиялари фермерларга ўзларининг вақт ва жойидан қатъий назар, тавсиялар ва тавсиялар беришга имкон беради. Фермерлар ўз муаммоларини оддий нутқ билан тасвирлаб, фотосуратлар ёки видеоларни юклашлари мумкин. Вақт ўтиши билан фермернинг жойлашуви дастурий таъминот томонидан автоматик равишда аниқланади. Сўнгра электрон почта ёрдамида агросаноат, қишлоқ хўжалиги тизимини қўллаб-қувватлаш марказига бирор материал юборишингиз ва қисқа муддат ичида жавоб олашингиз мумкин ёки фермерлар бевосита интернет орқали мулоқот режимида ўз муаммоларини ҳал қилиши мумкин.
Қишлоқ хўжалиги соҳасида маълумотлар базаларини шакллантириш фермер хўжаликдарини самарали ишлатиш учун муҳим ҳисобланиб, бу базаларни шакллантириш кам куч ва маблағ талаб қилади. Дастлабки маълумотлар фермер хўжаликларининг мавжуд ҳолати тўғрисида фойдали ахборот олиш ва турли хил режаларни амалга ошириш натижаларини баҳолаш учун қулай бўлиши керак. Кўп йиллар давомида қишлоқ хўжалик соҳасидаги тадқиқотлар натижасида тўпланган билимларнинг автоматик базасини қайта ишлаш орқали амалий маълумотларни чиқариб олиш ҳамда улардан унумли фойдаланиш мумкин.
Демак, замонавий ахборот технологиялари фермер хўжаликлари ва шу каби соҳаларда илмий тадқиқотлар ва ишланмаларни амалга ошириш учун ажралмас манбалардир
Do'stlaringiz bilan baham: |
