6. Fuqarolik huquqlarining to‘sqinliksiz amalga oshirilishi prinsipi fuqarolik muomalasida halal beradigan har qanday to‘siqlarni yo‘qotish(olib tashlash)ni ta’minlashga xizmat qiladi. Bu prinsipning konstitutsion ifodasi O‘zbekiston Respublikasi Konstitutsiyasining 53-moddasida, ya’ni, «iste’molchilarning huquqi ustunligini hisobga olib, iqtisodiy faoliyat, tadbirkorlik va mehnat qilish erkinligini davlat tomondan kafolatlanganligi», shuningdek, Fuqarolik kodeksining birinchi moddasi 3-qismida e’tirof etilgan «tovarlar, xizmatlar va moliyaviy mablag‘larning O‘zbekiston Respublikasining butun hududida erkin harakat bo‘lishi» haqidagi normalarida ifodalangan. Qonun yo‘li bilan mazkur prinsip bir qator cheklanishi mumkin. Fuqarolik huquqlarini to‘siqsiz amalga oshirish prinsipi FKning deyarli barcha moddalarida, xususan, uning asosiy belgilari 9-moddasida batafsil bayon etilgan bo‘lib, fuqarolik huquqi sub’ektlarning halol, oqilona va adolat bilan harakat qilishlarida, jamiyatning ma’naviy tamoyillari va axloqiy normalarini hurmat qilishlarida, ish odobi qoidalariga rioya etishlarida muhim rol o‘ynaydi.
Do'stlaringiz bilan baham: |