Furqat tumani xalq ta’limi bo`limiga qarashli

Furqat tumani xalq ta’limi bo`limiga qarashli 24 – umumiy o`rta ta’lim maktabida 1 – oktabr O’qituvchi va murabbiylar kuniga bag’ishlangan O’zbekiston Respublika prezidenti Shavkat Mirziyoyevning O'qituvchi va murabbiylar kuniga bag'ishlangan tantanali marosimidagi nutqi

bilan tanishtirish
BAYONNOMASI



Yigilish raisi: R. Egamov

Kotibi: M. Ergasheva



1 oktabr kuni O’qituvchilar va murabbiylar kuniga“Ustozimga ta`zim!” mavzusida uchrashuv o’tkazildi. Uchrashuvda maktab o’qituvchilari 5-11 sinf o’quvchilari,ko’p yillar samarali mexnat qilgan nafaqadagi o’qituvchi ustoz murabbiylar ishtirok etishdi. Tadbirni maktabning MMIBDO’ M. Ergasheva ochiq deb e’lon qilib, yurtimizdagi barcha fidoiy jonkuyar ustoz murabbiylar qatori maktabimizning barcha o’qituvchilarini tabrikladi mumumxalq bayramini munosib nishonlash yuzasidan jamoada yig`ilish o`tkazilib, tadbirlar rejasi ishlab chiqishga kelishib olindi.

“Ustozlar va murabbiylar” kuni umumxalq bayramiga tayyorgarlik ko`rish va uni o`tkazish bo`yicha maktabda obodonlashtirish ishlari olib borildi hamda ustoz murabbiylarni ulug`lovchi shiorlar, banerlar bilan bezatildi.

Mehnat faxriylari ta’lim sohasida ko`p yillar faoliyat ko`rsatgan keksa va nafaqadagi pedagog xodimlar bilan uchrashuvlar o`tkazilib ular holidan xabar olindi. Ko`p yillar maktabda samarali mehnat qilgan ustozlar bilan davra suhbatlari o`tkazildi.

“Ustozlar va murabbiylar” kuni umumxalq bayrami munosabati bilan sinflar o`rtasida devoriy gazetalar tanlovi o`tkazilib, unda 10 – sinf o`quvchilari tomonidan tayyorlangan devoriy gazeta g`olib deb topildi. “1 – oktabr “Ustozlar va murabbiylar” kuni munosabati bilan maktabda “Ustozim onam” mavzusida insholar va rasmlar tanlovi o`tkazildi. Tanlov natijalariga ko`ra “Ustozim onam” mavzusida o`tkazilgan insholar tanlovida 9 “A” – sinf o`quvchisi Shukurova A , rasmlar tanlovida 7 - “A” – sinf o`quvchisi Z. Rahmonov g`oliblikni qo`lga kiritdi. G`olib o`quvchilarga maktab ma’muriyatining faxriy yorliqlari topshirildi. 30 – sentabr kuni maktabda ko`p yillar samarali mehnat qilgan ustoz – murabbiylar ishtirokida bayram tadbiri o`tkazildi. Tadbirda o`quvchilar o`zlari tayyorlab kelgan ustoz va murabbiylarga atalgan kuy qo`shiqlarini mahorat bilan ijro etishdi. Tadbir so`ngida o`quvchilar ustozlarga O’zbekiston Respublikasi prezidentining o’qituvchilarga bayram tabrigi o’qib eshittirildi.

Xabaringiz bor, Birlashgan Millatlar Tashkiloti Bosh Assambleyasining 75-sessiyasida so'zlagan nutqimda men boshqa ko'pgina muhim masalalar qatorida Yoshlar huquqlari bo'yicha xalqaro konvensiyani qabul qilishga oid O'zbekiston tashabbusiga yana bir bor jahon hamjamiyatining e'tiborini qaratdim.

Yoshlar huquqi deganda, biz, birinchi navbatda, ularning tinch va sog'lom yashash hamda ta'lim olishga bo'lgan to'laqonli huquqini tushunamiz. Shu bois, unib-o'sib kelayotgan yosh avlodimizning barkamol bo'lib voyaga yetishi, sifatli va mukammal ta'lim olishini ta'minlash biz uchun hamisha ustuvor vazifa hisoblanadi.
Butun dunyo davlatlari qatori O'zbekiston ham koronavirus pandemiyasini boshidan kechirayotgan hozirgi murakkab davrda mamlakatimiz ta'lim tizimi ham jiddiy sinovga duch keldi. Bugungi qiyin sharoitga qaramasdan, davlatimiz tomonidan o'z vaqtida ko'rilgan chora-tadbirlar va sizlarning fidokorona mehnatingiz bilan bu boradagi ishlarimiz izchil davom ettirilmoqda. Jumladan, qisqa muddat ichida yurtimizda “onlayn maktab” loyihasi va masofaviy ta'lim joriy etildi.
Yaqinda respublikamizning aksariyat maktablarida, karantin qoidalariga amal qilgan holda, yangi o'quv yili boshlandi. Ezgu an'anamizga muvofiq, qariyb 650 ming nafar 1-sinf o'quvchisiga Prezident sovg'alari sifatida 72 milliard so'mlik o'quv qurollari topshirildi. Shuningdek, moddiy yordam va ko'makka muhtoj, boquvchisini yo'qotgan oilalarning farzandlari va nogironligi bo'lgan bolalarga qishki kiyim-bosh to'plamlari, maktab formasi va o'quv qurollaridan iborat 426 milliard so'mlik moddiy ko'mak berilgani ham ana shunday ezgu ishlarimiz qatoriga kiradi.

Ma’naviy – ma’rifiy ishlar bo`yicha

direktor o`rinbosari: M. Ergasheva
Maktab BT yetakchisi: D. Ergasheva