«Go‘sht va go‘sht mahsulotlarining xavfsizligi to‘g‘risida»gi umumiy texnik reglamenti

«Go‘sht va go‘sht mahsulotlarining xavfsizligi to‘g‘risida»gi umumiy texnik reglamenti (UzTR.36-030:2018) O‘zbekiston Respublikasi Vazirlar Mahkamasining 2018 yil 22 yanvardagi 36-sonli qarori bilan tasdiqlangan. Ushbu texnik reglament rasmiy e’lon qilingan paytdan e’tiboran 18 oy o‘tgandan keyin amalga kiritiladi. 1) «Go‘sht va go‘sht mahsulotlarining xavfsizligi to‘g‘risida»gi Umumiy texnik reglament amalga kiritilgandan keyin, o‘rnatilgan tartibda qo‘llanilish ixtiyoriyligiga ega bo‘ladigan va majburiylik tusini yo‘qotadigan standartlashtirish bo‘yicha me’yoriy hujjatlar ro‘yxati.  2) «Go‘sht va go‘sht mahsulotlarining xavfsizligi  to‘g‘risida»gi iUmumiy texnik reglamentda mahsulotlar va xizmatlarning belgilangan talablarga muvofiqligini baholash uchun zarur bo‘lgan, mahsulotning namunalarini olish, sinovlari va o‘lchovlari usullarini belgilovchi texnik jihatdan tartibga solish sohasidagi normativ hujjatlar ro‘yxati.

Go`sht va go`sht mahsulotlari xavfsizligiga yagona talablar qabul qilindi

Jamiyat 30.01.2018, 17:43

“O`zstandart” agentligi tomonidan ma`lum qilinishicha, O`zbekiston Respublikasi Vazirlar Mahkamasining tegishli qaroriga asosan, “Go`sht va go`sht mahsulotlari xavfsizligi” to`g`risida Umumiy texnik reglament qabul qilindi.

Ushbu texnik reglament go`sht hamda go`sht mahsulotlarini ishlab chiqarish, saqlash, qadoqlash va tamg`alash, transportda tashish, sotish hamda yo`q qilish bo`yicha yagona xavfsizlik talablari o`rnatilishini ta`minlaydi.

Texnik reglament kolbasa mahsulotlari, muzlatilgan go`sht, parranda go`shti va go`sht mahsulotlari, go`sht konservalari va boshqa 140 turdagi go`sht va go`sht mahsulotlarini qamrab oladi.

Ushbu texnik reglament rasmiy e`lon qilingan kundan boshlab o`n sakkiz oy o`tgach kuchga kiradi.

Шарҳлар

 «O‘zbekoziqovqatxolding» xolding kompaniyasi go‘sht va go‘sht mahsulotlari xavfsizligi bo‘yicha reglamentni ishlab chiqdi, u ayni paytda Interaktiv davlat xizmatlari yagona portalida muhokama qilinmoqda, deb yozadi «Daryo» nashri.

U go‘sht va go‘sht mahsulotlarini ishlab chiqarish va sotish zanjiridagi majburiy xavfsizlik talablarining asosiy ro‘yxatini belgilaydi.

Hujjatda ta’kidlanishicha, umumiy texnik reglament tayyorlanadigan va import qilinadigan hayvon va parranda go‘shtlarining barcha turlari, kalla-pocha va ichak-chavoqlar, kolbasa mahsulotlari, yarim tayyor mahsulotlar, oziq-ovqat konservantlari va tarkibida go‘sht bo‘lgan boshqa mahsulotlar uchun amal qiladi.

«O‘zbekoziqovqatxolding» XKning rasmiy prognoziga ko‘ra, O‘zbekiston aholisining go‘sht va go‘sht mahsulotlari bilan ta’minlanganlik darajasi 2020 yilga kelib, 28,8 foizga oshadi. Ushbu ko‘rsatkich 2016 yilda kishi boshiga 37,1 kilogrammni tashkil etgan bo‘lsa, 2020 yilda 47,8 kilogrammga etadi.