Guruh talabasi axmedjanov murodjonning

240-17 GURUH TALABASI AXMEDJANOV MURODJONNING
ORALIQ NAZORAT ISHI.

“Солиқлар ва солиққа тортиш” фанидан 1- оралиқ саволлари

Вариант 5

1. 
   Бошқа мажбурий тўловлар тушунчаси ва моҳияти.
   
2. 
   Ўзбекистон Республикаси солиқ сиёсатининг асосий йўналишлари нималардан иборат?
   
3. 
   Қўшилган қиймат солиғини тўлаш ва ҳисоботни тақдим этиш тартиби қандай?
   

1.Бошқа мажбурий тўловлари деганда Солиқ кодексида белгиланган давлат мақсадли жамғармаларига мажбурий пул тўловлари, божхона тўловлари, шунингдек ваколатли органлар ҳамда мансабдор шахслар томонидан юридик аҳамиятга молик ҳаракатларни тўловчиларга нисбатан амалга ошириш учун, шу жумладан муайян ҳуқуқларни ёки лицензиялар ва бошқа рухсат берувчи ҳужжатларни бериш учун тўланиши лозим бўлган йиғимлар, давлат божи тушунилади.
Солиқ моҳиятини ёритишда солиқчи ва солиқ тўловчилар ўртасидаги объектив пул муносабатларини ҳаракатини ўрганиш билан амалга оширилади. Солиқлар ҳамма пул муносабатларини эмас, балки солиқ объектлари - даромад, қийматни тақсимлаш, кайта тақсимлашдаги пул муносабатларини билдиради.
Солиқ ўз моҳиятидан келиб чикиб узоқ йилларга мўлжалланган мажбурийлик муносабатларини ифодалайди. Демак, солиқлар мазмунида узоқ муддатларга мўлжалланган мажбурий муносабатлари етади.
Солиқлар пул муносабатларини ифода этиб, бу муносабатлар бир томонда давлат ва иккинчи томонда солиқ тўловчилар яъни, корхона, бирлашма, ташкилотлар ва аҳоли туради. Шу муносабатларни ташкил қилишни давлат ўз қўлига олган, чунки солиқлар бюджетга даромад бўлиб тушади, солиқ тўловчилар учун харажат бўлади.
Солиқлар энг аввало, давлатнинг ижтимоий зарурий вазифаларни молиявий маблағлар билан таъминлашнинг зарурлигидан келтириб чиқарилади. Давлат олдида турган умумий вазифаларни бажаришга хизмат этади. Бу вазифалар қуйидагилардан иборатдир:
- аҳолининг кам таъминланган табақаларни (талабалар, нафақахўрлар, ногиронлар ва бошқалар) ижтимоий ҳимоя қилиш;
- мамлакат мудофаасини таъминлаш;
- мамлакат фуқароларининг тинч меҳнат қилиш ва эркин яшаш муҳофазасини таъминлаш;
- мамлакат ичида узлуксиз ижтимоий, маданий тадбирларни (маориф, соғлиқни сақлаш, маданият, ижтимоий таъминот ва бошқалар) амалга ошириш;
- хорижий мамлакатлар билан иқтисодий, маданий, сиёсий алоқаларни ўрнатиш;
- бозор инфраструктурасини яратиш, бошқа тадбирлар ва ишларни амалга ошириш учун.
Солиққа тортиш субъекти (солиқ тўловчи) — қонунга кўра солиқлар, йиғимлар ва тўловларни хуқуқий жиҳатдан тўлаш мажбурияти юклатилган юридик ва жисмоний шахслардир.
Ўз мулкига, хўжалик юритишида ёки оператив бошқарувида алоҳида мол-мулкка эга бўлган ҳамда ўз мажбуриятлари юзасидан Солиқ мол-мулк билан жавоб берадиган, ўз номидан мулкий ёки шахсий номулкий ҳуқуқларга эга бўла оладиган ва уларни амалга ошира оладиган, мажбуриятларни бажара оладиган, судда даъвогар ва жавобгар бўла оладиган ташкилот юридик шахс ҳисобланади, ундан ташқари улар мустақил баланс ёки сметага эга бўлишлари керак.