I bob. Aholi turmush darajasi va daromadlarini davlat tomonidan tartibga solishning nazariy asoslari

Tijorat banklarining kapitallashuvi va depozit bazasini oshirishni ta'minlashga qaratilgan aniq maqsadli chora-tadbirlarni amalga oshirish

2016 yilda bank tizimi jami kapitalini qo'shimcha aktsiyalarni chiqarish va joylashtirish hamda bu sohaga xususiy kapitalni kengroq jalb qilish orqali kamida 20 foizga oshirish mo'ljallanmoqda.

Banklarning resurs bazasini yanada mustahkamlash maqsadida:

– yuridik va jismoniy shaxslardan jalb qilingan depozitlar miqdorini 25 foizga oshirish;

– O'zbekiston Respublikasi Prezidentining 2015 yil 21 dekabr­dagi «Aktsiyadorlik jamiyatlariga xorijiy investorlarni jalb qilish borasidagi qo'shimcha chora-tadbirlar to'g'risida»gi PQ-2454-sonli Qarori talablaridan kelib chiqib, aktsiyadorlik jamiyatlari shaklida tashkil etilgan barcha tijorat banklarining ustav kapitalida xorijiy investorlar ishtirokini ta'minlash choralarini ko'rish;

– aholi va xo'jalik yurituvchi sub'ektlarning bo'sh pul mablag'larini bank omonatlari va depozitlariga, ayniqsa, uzoq muddatli depozitlarga jalb qilish va bunda mijozlar talablarini inobatga olgan holda omonatlarning yangi, jozibador turlarini joriy qilish hamda innovatsion depozit dasturlarini ishlab chiqish;

– depozitlarni jalb qilishda ularning aylanish muddatlari va
bank aktivlarining rentabelligi o'rtasidagi o'zaro muvofiqlikni
ta'minlash hamda ularning o'z vaqtida qaytarilishi kafolatlarini yanada mustahkamlash;

– qarz qimmatli qog'ozlarini, jumladan, uzoq muddatli obligatsiya­lar va depozit sertifikatlarini chiqarish hajmlarini oshirish hamda subordinar qarzlar jalb qilish ishlari faol amalga oshirib boriladi.

Shuningdek, 2016 yil davomida har chorakda sof foyda hisobidan tijorat banklarining Imtiyozli kredit berish maxsus jamg'armasiga ajratmalarni yil davomida 20 foizdan kam bo'lmagan miqdorda bosqichma-bosqich oshirib borish ko'zda tutilmoqda.

Monetar siyosatning iqtisodiy o'sish va bandlikni moliyaviy qo'llab-quvvatlash maqsadlariga muvofiq holda tijorat banklari tomonidan iqtisodiyotning real sektori sub'ektlari va aholini kreditlashni yanada kengaytirish 2016 yilda ham ustuvor vazifa sifatida davom ettiriladi.

2016 yilda tijorat banklari tomonidan iqtisodiyotning real sektori korxonalariga ajratiladigan kredit qo'yilmalari umumiy hajmining 2015 yilga nisbatan 25 foizdan ziyod o'sishi prognoz qilinmoqda.

Xususan, joriy yilda yangi ishlab chiqarish korxonalarini barpo qilish, mavjud korxonalarni modernizatsiya qilish, texnik va texnologik jihatdan qayta jihozlash hamda qishloq joylarda zamonaviy loyihalar bo'yicha yakka tartibdagi yangi turar joylarni barpo etish maqsadlariga tijorat banklari tomonidan barcha manbalar hisobidan 12  trln. so'm miqdorida yoki 2015 yilga nisbatan 1,8 trln. so'mdan ziyod miqdorda investitsion kreditlar ajratilishi rejalashtirilmoqda.

2016 yilda tijorat banklarining investitsion faoliyatida asosiy e'tibor 2015 – 2019 yillarga mo'ljallangan iqtisodiyotni yanada isloh qilish, tarkibiy qayta o'zgartirish va modernizatsiyalash umumiy dasturini tashkil etuvchi, shu jumladan:

– iqtisodiyotni tarkibiy jihatdan o'zgartirish, ishlab chiqarishni modernizatsiya va diversifikatsiya qilishni ta'minlash;

– tayyor mahsulot, butlovchi qism­lar va materiallar ishlab chiqarishni mahalliylashtirish;

– muhandislik-kommunikatsiya hamda yo'l-transport infratuzilmasini rivojlantirish va modernizatsiya qilish;

– iqtisodiyot tarmoqlari va ijtimoiy sohada energiya sarfini kamaytirish, energiyani tejovchi texnologiyalarni joriy etish bo'yicha
chora-tadbirlar dasturlaridagi investitsion loyihalarni moliyalashtirishda faol ishtirok etishga qaratiladi.

Shuningdek, aholining o'sib borayotgan iste'mol ehtiyojlarini mahalliy tovarlar hisobiga to'liq qondirish hamda ushbu mahsulotlarga ichki talabni rag'batlantirish maqsadida barcha hududlar, ayniqsa, qishloq joylardagi aholiga mamlakatimizda ishlab chiqarilgan uzoq muddat foydalaniladigan tovarlarni sotib olish uchun iste'mol kreditlari berish hajmlari oshirib boriladi.