Ishlab chiqarish jarayonlarini tashkil qilish va rejalashtirish

O‘tish yo‘lkalariga ega pog‘onasimon turdagi depolar keng tarqalgan. Bunday depolarda binolar seksiyalari biri ikkinchisiga 6-12 m kiruvchi qilib quriladi, bu esa ichki uchastkalar aro siljishlar qulayligini ta’minlaydi.

Yangi qurilayotgan depolarda joriy ta’mir binoalarining har bir seksiyasida uchta parallel yo‘llar mavjud. Har seksiyada, odatda, bir turdagi joriy ta’mir yoki texnik ko‘rik o‘tkaziladi. Pog‘onasimon turdagi binolarning afzalliklari: lokomotivlarni ta’mir pozitsiyalariga kiritish va ulardan olib chiqishning qulayligi; tabiiy yoritilganligi; turli lokomotivlar uchun qo‘llash mumkinligi; kelajakda kengaytirish imkoniyati mavjudligi. Kamchiliklari: tashqi devorlar perimetrining kattaligi sababli ta’mirlash-qurish ishlari sarfi kattaligi, tashqi devorlar perimetri kattaligi va kirish darvozalari qarama-qarshi tomonlarda joylashganligi uchun issiqlik sarfi kattaligi. Ta’mirlash seksiyasining har bir yo‘lida bitta yoki ikkita ta’mir pozitsiyalari joylashtiriladi. Bunday binolarning qurish sarflari nisbatan yuqori bo‘ladi.