Jamol-ayub

“JAMOL-AYUB”
OILAVIY KORXONASINING XIZMAT KO‘RSATISH MARKAZLARINI TASHKIL ETISH BO‘YICHA
BIZNES REJASI

Denov tumani 2022 yil

KIRISH
“Jamol-Ayub” oilaviy korxonasining biznes rejasi asosi, Denov tumani “Buyuk Zamin” MFY hududida Xizmat ko‘rsatish markazlari faoliyatini yo‘lga qo‘yish va aholining xizmat ko‘rsatish sohasiga bo‘lgan talabini qondirishdan iborat.
Loyiha tashabbuskori “Jamol-Ayub” oilaviy korxonasining STIR raqami: 309433070, davlat ro‘yhatidan o‘tgan sanasi: 04.04.2022, mas’ul shaxsning telefon raqami: [phone]. “Jamol-Ayub” oliaviy korxonasi O‘zbekiston Respublikasi Prezidentining 2021 yil 20 dekabrdagi “Oilaviy tadbirkorlikni qo‘llab quvvatlashga doir qo‘shimcha chora tadbirlar to‘g‘risida” PQ-55 sonli qaroriga asosan Xizmat ko‘rsatish faoliyatini kengaytirish maqsadida “Har bir oila-tadbirkor” dasturi asosida ushbu loyihani amalga oshirmoqchi. Ushbu loyiha Xizmat ko‘rsatishga ixtisoslashgan bo‘lib , unda “Savdo do‘koni”, “Avtomoyka”, “Sartaroshxona”, “Payvandlash sexi”, “Ovqatlanish shaxobchasi”, “Qandolatchilik”, “Go‘zallik saloni” markazlarini tashkil etish rejalashtirilgan.
Loyiha tashabbuskorlari Denov tumani “Buyuk Zamin” MFY hududida mavjud bo‘lgan xizmat ko‘rsatish markazlari faoliyatini o‘rganib , ushbu markazlar hududda doimiy yashovchi aholining shu sohalarga bo‘lgan talabini to‘liq qondira olmasligini aniqladi. Tumanning “Buyuk Zamin” MFY hududida vujudga kelgan sharoit , arzon narxdagi xizmat ko‘rsatish markazlariga bo‘lgan talabning yuqoriligi bunday qarorni qabul qilishga asos bo‘ldi.
Loyihani amalga oshirish uchun , o‘z mablag‘lari va kredit hisobidan olib kelinadigan asbob-uskunalar va mahsulotlarni “Buyuk Zamin” MFY hududiga joylashtirish ko‘zda tutilgan.
Ushbu loyihani amalga oshirish, Denov tumanining xizmat ko‘rsatish sohasiga bo‘lgan talabini qondirish imkonini beradi. Loyihani ijobiy amalga oshirilishi hisobidan olinadigan foydani ushbu faoliyatni kengaytirishga yo‘naltirish ko‘zda tutilmoqda.

LOYIHANING MAQSADI

Ushbu tadbirkorlik faoliyatini amalga oshirishdan maqsad, xizmat ko‘rsatish sohasini rivojlantirib aholining “Savdo do‘koni”, “Avtomoyka”, “Sartaroshxona”, “Payvandlash sexi”, “Ovqatlanish shaxobchasi”, “Qandolatchilik”, “Go‘zallik saloni” markazlariga bo‘lgan talabini qondirishdan iborat.
Loyiha tashabbuskorlarining , ushbu loyihani amalga oshirishdan maqsadlari quyidagi sabablarga ko‘ra:

• 
  Mahsulot tannarxining yuqori emasligiga nisbatan kapital xarajatlarning tezda o‘zini qoplashi,
  
• 
  Xom-ashyoni yetkazib beruvchilar va tayyor mahsulotni sotib oluvchi iste’molchilarning ko‘pligi va yetarli darajada tajribaga ega ekanliklari , ushbu loyihaning maqsadga muvofiq ekanligini ko‘rsatadi.
  

Hududiy qulay joylashganligi, hamda ushbu xizmatlarga xarid bozorining kengligi sababligi, loyihani amalga oshirish uchun juda yaxshi imkoniyat yaratiladi.
SOTISH PROGRAMMASI
Ushbu xizmatlar Denov tumani hududida joylashgan iste’molchilar bilan to‘g‘ridan- to‘g‘ri kelishuvlar asosida amalga oshiriladi.
Sotish programmasi strategiyasi, ko‘rsatiladigan xizmatlarning sifatli ekanligi, ushbu xizmatlarga bo‘lgan talabni hamma vaqt o‘rganish, bozor sharoitini o‘zgarishiga tezda moslashish, hamda, yuqorida qayd etilgan fikrlardan kelib chiqqan holda, xizmatga narxning arzonligi ushbu hududda joylashgan boshqa xizmat ko‘rsatish markazlaridan farqli sifatli va arzon xizmat hamda yangicha uslubda ekanligi bilan ajralib turadi.

LOYIHA QIYMATI

Loyihaning umumiy qiymati 280 mln. so‘mni tashkil etadi. Ushbu mablag‘larning loyihadagi salmog‘I quyidagicha taqsimlanishi rejalashtirilgan. Bunda talab qilinadigan jami mablag‘lar milliy valyuta so‘mda bo‘lib ularni moliyalashtirish rejasi quyidagi jadvalda ko‘rish mumkin.

№	Loyiha tashabbuskorlari	Loyiha nomi	Loyiha qiymati Mln. so‘m	Shu jumladan, moliyalashtirish manbalari		Ish o‘rinlari
				O‘z mablag‘lari	Kredit mablag‘lari
1	6		280	170	110	11
2	Ro‘ziyev Jamoliddin	Savdo do‘koni	100	50	50	2
3		Avtomoyka	20	10	10	2
4		Sartaroshxona	20	10	10	1
5		Payvandlash sexi	20	10	10	1
6	Ro‘ziyeva Mohinur	Ovqatlanish shaxobchasi	40	30	10	2
7		Qandolatchilik	40	30	10	1
8		Go‘zallik saloni	30	20	10	1
9		Boshqalar	10	10		1

BOZOR HOLATI TAHLILI

Denov tumani “Buyuk Zamin” MFY hududidagi aholi xizmat ko‘rsatish sohasiga bo‘lgan ehtiyojlarini boshqa hududda joylashgan xizmat ko‘rsatish markazlaridan ortiqcha sarf-xarajat orqali olmoqdalar.
Ichki va tashqi bozor talabidan kelib chiqqan holda, sifatli va arzon narxdagi xizmat ko‘rsatish markazlarini tashkil etish juda foydali bo‘ladi. Negaki ushbu loyiha ishga tushganidan so‘ng , aholining ortiqcha sarf-xarajat qilishlariga xojat yo‘q va ularning vaqtlarini sarflab boshqa hududdagi xizmat ko‘rsatish markaziga borishlari ham shart emas.
Denov tumani “Buyuk Zamin” MFY hududida ushbu xizmat ko‘rsatish markazlari(“Savdo do‘koni”, “Avtomoyka”, “Sartaroshxona”, “Payvandlash sexi”, “Ovqatlanish shaxobchasi”, “Qandolatchilik”, “Go‘zallik saloni”) juda ozchilikni tashkil etadi va vaholanki ba’zi turi mavjud emas. Bunday xizmat ko‘rsatish raqobatda kuchlilik tomoni, birinchi navbatda bozordagi talabning o‘zgarishida tezda moslashish xususiyatining umumiyligi bilan belgilanadi. Yuqorida qayd etilgan xususiyatga ko‘ra, amalga oshiriladigan loyihaning, birinchi navbatda, tushayotgan talabga qarab, ko‘rsatiladigan xizmatlar assortimenti va nomenklaturasini qisqa muddat Ichida o‘zgartirish, moslashtirish, xizmatlarni tashkil etishda ichki xarajatlarning pastligi, raqobatga bardosh berish imkoniyatiga ega bo‘lishini kafolatlaydi.

XIZMATLARNI SOTISH REJASI

№	Xizmat turi	1 kunlik sof foyda	1 yilda	2 yilda	3 yilda
1	Savdo do‘koni	200 ming so‘m	60 mln so‘m	65 mln so‘m	80 mln so‘m
2	Avtomoyka	100 ming so‘m	36 mln so‘m	40 mln so‘m	46 mln so‘m
3	Go‘zallik saloni	80 ming so‘m	28 mln so‘m	35 mln so‘m	40 mln so‘m
4	Qandolatchilik	100 ming so‘m	36 mln so‘m	42 mln so‘m	45 mln so‘m
5	Sartaroshxona	80 ming so‘m	28 mln so‘m	35 mln so‘m	38 mln so‘m
6	Ovqatlanish shaxobchasi	200 ming so‘m	60 mln so‘m	75 mln so‘m	80 mln so‘m
7	Payvandlash sexi	100 ming so‘m	36 mln so‘m	40 mln so‘m	40 mln so‘m
Jami		1 mln so‘m	284 mln so‘m	332 mln so‘m	369 mln so‘m

XIZMAT KO‘RSATISHNING MOLIYAVIY REJASI

Xizmat ko‘rsatish markazlarining asosiy xarajatlar bazasini ish haqi fondi tashkil etadi. Faoliyatni tashkil etish uchun 12 ta ishchi xodim ishga olish rejalashtirilgan.

№	Xodim ish joyi	Xodimlar soni	Oylik maosh	Summasi	YaIT	Summasi	Oylik ish haqi fondi
1	Savdo do‘koni	2	1000000	2000000	150000	300000	2300000
2	Avtomoyka	2	1000000	2000000	150000	300000	2300000
3	Go‘zallik saloni	1	1000000	1000000	150000	150000	1150000
4	Qandolatchilik	2	1000000	2000000	150000	300000	2300000
5	Sartaroshxona	1	1000000	1000000	150000	150000	1150000
6	Ovqatlanish shaxobchasi	2	1000000	2000000	150000	300000	2300000
7	Payvandlash sexi	1	1000000	1000000	150000	150000	1150000
Jami		12		11000000		1650000	12650000

KOMMUNAL TO‘LOVLAR

	Nomi	O‘lchov birligi	Miqdori	narxi	1 kunlik summasi	1 yillik summasi
1	Elektr energiya	Kvt	150	295	44250 so‘m	16151250 so‘m
Jami					44250	16151250 so‘m

Ushbu loyihani amalga oshirilishi natijasida bir kunga 44250 so‘mlik elektr energiyasi to‘lovi talab qilinadi.
AMORTIZATSIYA XARAJATLARI
Umumiy hisobda 280 mln so‘mlik xizmat ko‘rsatish obyektlari qurib bitkazilganidan so‘ng ushbu xizmat ko‘rsatish binolarini umumiy tarzda 280 mln so‘mga baholaydigan bo‘lsak, amortizatsiya xarajatlari quyidagicha bo‘ladi:
280.000.000:10=28.000.000 so‘mni tashkil etadi bir yilda.