Joba: Natural hám pútin sanlar

Anıqlama. Bazı bir A aytım shın bolsa jalǵan bolatuǵın, al A aytım jalǵan bolsa shın bolatuǵın aytım A aytımnıń biykarlanıwı dep ataladı hám ol menen belgilenedi.
A aytımnıń biykarlanıwına «emes» sóziniń mánisi sáykes keledi. Mısalı, «0,7 onlıq bólshek irracional san» degen aytımdı A menen belgileyik. Sonda «0,7 onlıq bólshek irracional san emes» degen aytım arqalı belgilenedi.
Anıqlama. Bazı bir A hám B aytımlardıń ekewi bir waqıtta shın bolǵan jaǵdayda ǵana shın, al qalǵan jaǵdaylarda jalǵan bolatuǵın jańa aytım usı aytımlardıń końyunkciyası dep ataladı hám ol arqalı belgilenedi.
Anıqlamada kórsetilgen - końyunkciya ámeli aytımlardı baylanıstıratuǵın «hám» sózine sáykes keledi. Mısalı, A:«3015 taq san», al B:«3015 sanı 9 ǵa bólinedi» degen aytımlardıń końyunkciyası «3015 taq san hám 9 ǵa bólinedi» degen aytım boladı.
Anıqlama. Bazı bir A hám B aytımlardıń keminde birewi shın bolǵan jaǵdayda shın bolıp, qalǵan jaǵdaylarda jalǵan bolatuǵın jańa aytım usı aytımlardıń diz`yunkciyası dep ataladı hám ol arqalı belgilenedi.
Anıqlamadaǵı - diz`yunkciya ámeliniń mánisi «yamasa» sózine sáykes keledi. Mısalı, A: «6>5» aytım- shın, B: «6=5» aytım-jalǵan, al «6>5» yamasa «6=5» degen quramalı aytım shın boladı.
Anıqlama. A aytım shın hám B aytım jalǵan bolǵanda ǵana jalǵan, al qalǵan jaǵdaylarda shın bolatuǵın jańa quramalı aytım A, B aytımlardıń implikaciyası dep ataladı hám ol dep belgilenedi.
implikaciyada «A aytımnan B aytım kelip shıǵadı», yamasa «A aytım bolıwı ushın B aytım zárúrli», «B aytımnıń kelip shıǵıwı ushın A aytım jetkilikli» dep túsinemiz. Mısalı, A: «Úshmúyeshliktiń ishki múyeshleriniń qosındısı 180⁰qa teń» hám B: «Tuwrı múyeshli úshmúyeshliktiń ishki súyir múyeshleriniń qosındısı 90⁰qa teń» aytımlar berilgen bolsın. Bul aytımlardıń ekewide shın. Sonlıqtan aytım shın boladı. Ushmúyeshliktiń ishki múyeshleriniń qosındısı 180⁰ bolǵanlıqtan tuwrı múyeshli úshmúyeshliktiń ishki súyir múyeshleriniń qosındısı 90⁰qa teń boladı. Sonıń ushın A aytımnan B aytım kelip shıǵadı.