Kalit so‘zlar Kod kombinatsiyasi; kod kombinatsiyasi elementlari;Kod;Kod jadvali, Standart dirlamchi kodlar. Diskret axborot elementlarini kodlash tamoyillari

2.2 Kod parametrlari va ularni siniflarga bo‘lish

Kodlarning xususiyatini baholash va siniflarga bo‘lish uchun quyidagi asosiy ko‘rsatkichlar kiritiladi [2,3].

Kod kombinatsiyasi to‘plami (so‘zlar, vektorlar) _{ }. Bu barcha mumkin bo‘lgan kod kombinatsiyalari to‘plamidir.
Kod asosi “a”. Bu kod kombinatsiyasidagi xoxlagan elementi qabul qilishi mumkin bo‘lgan son qiymatidir. Qimat jixatidan u har doim tanlangan sanoq tizimi asosiga teng. SHuning uchun kod ko‘rsatkichi ikkilikka va ko‘p asosga bo‘linadi. Ikkilik asosda u a=2 ga teng, ko‘p asosda esa a>2. Diskret ma’lumotlarni uzatish tizimida asosan ikkilik kod tizimi ishlatiladi.
Kod kombinatsiyasi uzunligi “n”. Bu kod kombinatsiyalaridagi elementlar soni yoki ikkilik raqamdagi razryadlar soni hisoblanadi. Kod kombinatsiyalari tarkibida axborot elementi (k) tekshiruvchi (nazorat) elementlar (r) va xizmatga oid elementlar (s) bo‘lishi mumkin. SHuning uchun:
n = k + r + s .

Bu ko‘rsatkich bo‘yicha kodlar bir tekis (n = const) va bir tekis bo’lmagan (n = var) bo‘ladi. Ko‘p hollarda bir tekis kodlardan foydaniladi. Ularda kod kombinatsiyalarining umumiy soni asos va uzunligi ko‘rsatkichlari bilan quyidagicha bog‘langan

S₀ = aⁿ

Ikkilik kod kombinatsiyalari uchun ularning umumiy soni S₀ = 2ⁿ ga teng.

Kod kombinatsiyasi vazni “w”. Kod kombinatsiyasi vazni deb kod kombinatsiyasidagi nol bo‘lmagan elemetlar soniga aytiladi. Ikkilik tizimida bu kod kombinatsiyasidagi “1” sonlari yig‘indisidir. Masalan, quyidagi kod kombinasiyalari uchun v₁ – 001011, v₂ – 101000, v₃ –111001 kod kombinatsiyasi vazni w₁ = 3, w₂ = 2, w₃ = 4 ga teng.