Kasb-hunar maktabi

Guruh rahbarining vazifalari to’g’risida

N I Z O M

1. Umumiy qoidalar
Professional ta’lim tizimining tashkil etilishi va ularning faoliyat ko’rsatishi mamlakatimizda olib borilayotgan islohatlarni izchil amalga oshirish hamda Vatanimiz ravnaqi, fuqarolarning farovon turmush tarzini yuqori darajada ta`minlab berishga qodir ilmiy salohiyatga ega bo’lgan yetuk kadrlarni tayyorlashga yo’naltirilgan.

Aynan shunday, rivojlangan davlatlardagi mutaxasislar bilan o’zlarining mukammal egallagan ilmlari ila bellasha oladigan, kadrlar - Vatanimiz taraqqiyotini yuksaltirishdagi muhim omildir. Zero, kasb-hunar maktablari har tomonlama bilimga va iqtidorga ega bo’lgan kadrlarni tayyorlashda ta`lim tizimidagi asosiy bo’g’inlaridan biri hisoblanadi.

Kasb-hunar maktablarida ta’lm va saboq olayotgan o’quvchilarning chuqur, ilmiy-nazariy va amaliy bilimlarga ega bulishlarida hamda o’zlari tanlagan yo’nalishlari bo’yicha amaliy tajriba iqtidorini namoyon qila olishlari, shuningdek mustaqil fikrlash qobiliyatini o’zlarida tarannum etishlari uchun doimo o’z ustida ishlashlari va o’zlarida mehnatsevarlik, insonparvarlik, vatanparvarlik, ahloq-odob va shu kabi oliyjanob fazilatlarini, shu bilan birga jamiyat va davlat oldidagi burch va mas`uliyatlarini xis etishda guruh rahbarining tashabbukorligi, ijodkorligi va tashkilotchiligi muhim ahamiyat kasb etadi.

Kasb-hunar maktablari faoliyatida o’quv-tarbiyaviy ishlarning muvaffaqiyati, ish sifati asosan o’quv guruhining faolligi orqali, ayedagoglar jamoasi tomonidan reja asosida o’tkazilishiga bog’liq.

Guruhlarda o’quv-tarbiyaviy ishlarga rahbarlik qilish va uyushtirish ishlariga javobgardir (mas`uldir).

1. 
   Guruh rahbarlari o’quv muassasasi direktorining buyrug’iga binoan guruhning to’liq o’quv davri uchun, guruh o’qishini tugatgunga qadar tayinlanadi. Bitta o’qituvchiga faqat bitta guruhga rahbarlik vazifasi yuklatiladi.
   
2. 
   Guruh rahbarlari barcha tarbiyaviy ishlarni shu guruhga dars beruvchi barcha o’qituvchilar, tarbiyachilar, o’quvchilarning ota-onalari bilan maslahatlashgan xolda hamkorlikda olib boradi.
   
3. 
   Guruh rahbarlarining ishiga to’g’ridan-to’g’ri rahbarlik qilish, ularning faoliyatini nazorat qilib borish o’quv ishlari bo’yicha direktorning o’rinbosariga yuklatiladi.