•Казус матнини зукколик билан ўқинг, қандай процессуал хатоликлар мавжуд?

Казус.

2021 йил июль ойининг 20 куни фуқаролик ишлари бўйича Тошкент шаҳар Шайхонтохур туманлараро суди ўз биносида, очиқ суд мажлисида, раислик этувчи, судья: А.А.А., судья ёрдамчиси Ш.Ш.Ш.нинг котиблигида, прокурор Д.Д.Д. иштирокида, адвокат Х.Х.Х. қатнашувида даъвогар Гулмуродова Гулнора Ганиевнанинг жавобгар Комилов Карим Козимовичга нисбатан уй-жойдан фойдаланиш ҳуқуқини йўқотган деб топиш ҳақидаги даъво аризаси ҳамда Комилов Карим Козимовичнинг жавобгар Гулмуродова Гулнора Ганиевнага нисбатан уйга киритиш ва ордер асосида эгалик ҳуқуқини белгилаш ҳақидаги қарши даъво аризаси бўйича юритилган фуқаролик иши юзасидан суднинг 12.06.2021 йилдаги чиқарилган ҳал қилув қарорига нисбатан Гулмуродова Гулнора Ганиевна томонидан келтирилган апелляция шикоятини бериш муддатини тиклаш тўғрисидаги аризаси кўриб чиқилди.. Раислик этувчи суд мажлисини очиб, қандай иш кўрилишини эълон қилди. Котиб суд мажлисига тарафлар келмаганлигини маълум қилди. Суд иш хужжатлари билан танишиб, Гулмуродова Гулнора Ганиевнанинг апелляция шикояти келтириш муддатини тиклаш ҳақидаги аризасини рад этиш ҳақидаги суднинг ажримини ўқиб эшиттирди. Суд мажлиси ёпиқ деб эълон қилинди.

САВОЛ???
•Казус матнини зукколик билан ўқинг, қандай процессуал хатоликлар мавжуд?
•Апелляция шикояти бериш муддатини тиклаш асослари ҳақида маълумот беринг?
•Биринчи инстанция судининг ажримларидан апелляция суди ажримларининг қандай ўхшашлиги ва фарқлари мавжуд?
•Суд ҳужжатларини қайта кўриш босқичида одил судловни амалга оширишга кўмаклашувчи шахсларнинг иштироки даражаси қандай?
Таҳлил беринг.
•Фуқаролик суд ишларини юритишда қайси ҳолатларда “илтимоснома” берилади?

MANTIQIY SAVOLLAR:

1. Ўзбекистон Республикаси Президентининг “Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида”ги 2020 йил 24 июлдаги Фармонда “....фуқаролик ишлари бўйича Янгийўл туманлараро судини, фуқаролик ишлари бўйича Ургут, Сўх, Хатирчи, Пахтакор туманлари судларини ташкил этиш....” белгиланди, сабаб ва оқибатларини таҳлил қилинг.

2. Ўзбекистон Республикаси Президентининг “Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида”ги 2020 йил 24 июлдаги Фармонда “....фуқаролик ишлари бўйича прокурор иштироки ва бу борада назарда тутилган ислоҳотлар...” мазмунини таҳлил қилинг?