Logoritmik mashg’ulotlarning vazifasi. Logoritmikaning nutq apparatini rivojlantirish jarayonidagi o’rni

1.2 Logoritmik mashg’ulotlarda ovozni rivojlantirishga qaratilgan mashqlar va ulardan foydalanish
Logoped olib boradigan pedagogik tuzatish ishlar quyidagi asosiy vazifalarni o‘zida mujassamlashtiradi, duduqlanuvchi nutqidagi nuqsonlar va ruhiy noto‘kis jihatlarini bartaraf etish. Logoped o‘z uslubi va vositalarini duduqlanuvchiga ta’sir etishda qo‘llay biladigan zarur mutaxassislarning hamkorlikdagi tibbiy-pedagogik ishini tashkil etadi.
Nutqda nafas olish qisqa va yengil, nafas chiqarish uzoq, davomiy bо'ladi. Duduqlanuvchi bolalarni bir nafasda gapirishga, nafasni tо'xtatib gapirmaslikka о'rgatiladi. Keyingi nafas olishdan avval 2 sekund tanaffus qilishlozim. Bunday topshiriqlar keyinchalik murakkablashadi: avval nutqiy nafas chiqarish ma'lum bir tovushlar orqali, sо'ng sо'zlar, qisqa jumlalar, keyin she'rlar aytish orqali mashq qilinadi. Hayotning dastlabki bosqichida nozik motorli ko'nikmalar bolaning qanday rivojlanishini aks ettiradi, bu uning intellektual qobiliyatidan dalolat beradi. Qo'llarning motorli ko'nikmalari kam rivojlangan bolalar qoshiq, qalam, poyabzalni tugmachasini bog'lay olmaydilar. Ular uchun konstruktorning tarqoq qismlarini yig'ish, jumboqlar bilan ishlash, tayoqlar, mozaikalar bilan ishlash qiyin bo'lishi mumkin. Ular boshqa bolalar yoqtirgan dasturlardan voz kechishadi, sinfdagilarga ergashmaydilar.
"Savatcha"ni yasatamiz (2-5 yoshli bolalar uchun).
Mashq maqsadi: kichkintoyning asosiy barmoqlarida (bosh barmoq, ko'rsatkich va o'rta barmoq) motorikani rivojlantirish. Bolani yozishga o'rgatish.
Kerakli jihozlar: savatcha yoki qalin karton qog'oz (to'g'ri to'rtburchak shaklida bo'lishi kerak), kir qistirgich. Savatchaning cheti juda qalin bo'lmasligi lozim. Bolaga kir qistirg'ich solingan savatcha beriladi. Tarbiyachi unga har uch barmoq oralig'idan keyin kir qistirg'ichni savatcha chetiga terib chiqishni taklif qiladi. Bola topshiriqni mustaqil bajaradi.
Izoh: kichkintoy yozish malakasiga ega bo'lishi uchun avval unda mayda qo'l motorikasi rivojlangan bo'lishi lozim. Ya'ni, u qalam yoki ruchka ushlaganda yengil va oson bo'lishi kerak. Mashqni ko'p marotaba takrorlash bolada barmoqlarni yaxshi harakatlantirish hamda o'ng va chap qo'lni farqlashga o'rgatadi. Kuzatish jarayonida uning o'ng yoki chapaqay ekanligi ham aniqlab olinadi. Tarbiyachi bolaning ikkala qo'lda ishlashini nazorat qilishi kerak.