Лойихалашда мехнат мухофазасини ишлаб чикариш санитария коидалари асосида амалга ошириш. Режа

Лойиҳаловчи ташкилотларнинг таркиби ва тузилиши
Лойиҳавий хужжатлар махсуслаштирилган лойиҳа ташкилотларида ишлаб чиқилади. Лойиҳаловчини танлаш танлов асосида амалга ошириш мақсадга мувофиқ.

Ўзбекистонда қурилиш материаллари ва конструкцияларини ишлаб чиқарувчи корхоналарининг лойиҳалари билан УЗНИИЭП(асосий), УзНИИстройпроект ва бошқалар фаолият юритадилар.

Институт раҳбарияти ва бўлинмаларининг мажбуриятлари

Ишлаб чиқарувчи бўлимлар(иш турлари бўйича ихтисослаштирилган) институтнинг мустақил бўлинмалари ҳисобланиб, директор ва бош инженерга бўйсунади. Ишлаб чиқарувчи бўлимларнинг асосий вазифалари қуйидагилардан иборат:

• 
  Ташкилотнинг лойиҳавий-изланиш режаси бўйича давлат бюджети ишларини зарурий ҳажмда ва номенклатурада ҳамда белгиланган муддатлардаги ижроси;
  
• 
  Ишлаб чиқилаётган лойиҳалар ва бошқа ишларнинг иқтисодий самарадорлигини, юқори техник даражасини таъминлаш;
  
• 
  Қурилиш таннархини ҳар бир қисмлари бўйича кўрилаётган лойиҳавий ечимларини таҳлил қилиб талаб даражасидаги тежамкорликни таъминлайдиган қарорларни қабул қилиш;
  
• 
  Ватанимиздаги ва хорижнинг энг сўнгги техника, технология ва илм-фан ютуқларини татбиқ этиб маҳсулотларнинг юқори сифатини сақлаган холда, уларнинг таннархини пасайтириш;
  
• 
  Намунавий (типовой)лойиҳаларни, унификациялашган техник ечимларни, конструкцияларни, тугунлар ва деталларни кенг қўллаш йўли билан, шунингдек, ишлаб чиқариш бўлимларидаги хизматчи-ходимларнинг меҳнатини ижобий ташкил этиш орқали лойиҳавий-изланиш ишларининг таннархини пасайтириш ва лойиҳалаш ҳамда изланишлар муддатларини қисқартириш.
  

Корхона лойиҳасини ишлаб чиқишда лойиҳалаш ишини ташкил этиш учун лойиҳалаш, қурилиш жараёнида, ишлаб чиқариш тизимини ва асосий ишлаб чиқариш қувватларини харакатга келтиришгача бўлган тўлиқ давр давомида ҳар бир алоҳида лойиҳага лойиҳанинг Бош инженери (ЛБИ) ЛБИлари бюросидан тайинланади.
Лойиҳа Бош инженерининг масъулиятидаги масалалар:

• 
  Буюртмачидан лойиҳаланаётган корхонанинг бошланғич берилган қийматларини, энг мақбул майдонни танлаш учун техник-иқтисодий баҳолашларни қабул қилиш ва тегишли органлар билан лойиҳаланаётган ечимларни келишиш.
  
• 
  Лойиҳа ишланмаси графигини тузиш ва лойиҳавий-тадқиқот ишлари босқичларини аниқлаш.
  
• 
  Субпудрат ташкилотлари учун биноларни тайёрлаш ва зарурий бошланғич маълумотлар билан таъминлаш ҳамда субпудратчиларни ишлаши жараёнида юзага келадиган муаммоларни ўз вақтида ечиш.
  
• 
  Лойиҳанинг лойиҳавий смета бўлимларини белгиланган муддатларда тақдим этилиши ва лойиҳа-тадқиқот ишлари учун маблағларни тўғри тақсимланишини назорат қилиш.
  
• 
  Лойиҳага техник раҳбарлик.
  
• 
  Меъёр ва стандартларга қатъий риоя қилиш ва ҚМҚдан хар қандай четланишларни тегишли ташкилотлар билан мувофиқлаштириш.
  
• 
  Лойиҳани юқори ташкилотлар ва тафтиш органларида ҳимоя қилиш.
  
• 
  Қурилиш жараёнида муаллифлик ва техник назоратига раҳбарлик қилиш.
  
• 
  Корхонани ишга тушириш ва лойиҳавий қувватларни ўзлаштириш жараёнидаги юзага келадиган муаммоларни ҳал қилиш.
  

Лойиҳалаш институтига лойиҳалаш ва лойиҳани тақдим этишдан ташқари қурилиш жараёнида тегишли лойиҳавий ечимларни татбиқ этишни назорати ҳам юклатилади. Шу сабабли институтда ҳар бир лойиҳа учун муаллифлик назорати ҳайъати тузилади.
Муаллифлик назорати бутун қурилиш жараёни давомида олиб борилиб қуйидагиларни текширади:

• 
  Қурилишнинг лойиҳа ечимларига ва смета ҳисобларига мослиги;
  
• 
  Қурилиш монтаж ишларининг сифатини назорат қилади;
  
• 
  Журнал тутилиб унга қурилиш жараёнида аниқланган барча ҚМҚ ва ТУ ҳамда лойиҳадан четланишлар киритилади;
  
• 
  Буюртмачи томонидан масъулиятли конструкцияларни қабул қилиб олишда ва бу ҳақида актлар тузишда иштирок этади;
  
• 
  Стандартларга ва бошқа техник хужжатларга мос келмайдиган жихозлар ва ашёларни конструкцияларда қўлланилишини тақиқлаш;
  

Лойиҳанинг Бош инженери, ишлаб чиқариш бўлими ва муаллифлик назорати ҳайъатининг фаолияти лойиҳалаш ташкилотининг бир бутун бўлими ҳисобланади. Бундай бўлимлар ташкилотда бир нечта бўлиши мумкин ва уларнинг ҳар бири ўзининг лойиҳалаш йўналиши ҳамда қурилишнинг назорат қилиш фаолиятини юритади.
Лойиҳалаш ишини тегишли тартибда ташкил этиш учун институтда илмий ва техникавий қўллаб қувватлаш бўлинмалари тузилади.