Мактабгача таълимда компетенциявий ёндашувлар: истиқболлар, муаммолар ва ечимлар

“Мактабгача таълимда компетенциявий ёндашувлар: истиқболлар, муаммолар ва ечимлар” мавзусида Республика масофавий илмий- назарий ва амалий анжуман ўтказилди.

Ўзбекистон Республикасининг “Мактабгача таълим-тарбия тўғрисида”ги Қонуни, “Ўзбекистон Республикасида илк ва мактабгача ёшдаги болалар ривожланишига қўйиладиган Давлат талаблари”, “Илк қадам” Давлат ўқув дастурига асосан мактабгача таълим тизимини тубдан ислоҳ қилиш мақсадида 2020 йил 3-ноябрь куни Бухоро давлат унверситетида Мактабгача ва бошланғич таълим факультети Мактабгача таълим кафедраси томонидан “Мактабгача таълимда компетенциявий ёндашувлар: истиқболлари, муаммолар ва ечимлар” мавзусида Республика масофавий илмий- назарий ва амалий анжумани ZOOM орқали онлайн ўтказилди.

Илмий-назарий ва амалий анжуман ялпи йиғилиши 4 та долзарб мавзуни қамраб олган шўбаларда фаолият олиб борди.
Маърузачилар ўз чиқишларида мактабгача таълим тизимидаги муаммолар ва ечимлар, ундаги таълим-тарбия жараёни самарадорлиги, болаларни сифатли мактаб таълимига тайёрлаш, 6-7 ёшли болаларни мажбурий таълимга жалб этиш, тизимда амалга оширилаётган ишларни таҳлил қилиш ва бу борадаги таклифларни ишлаб чиқиш каби масалаларга диққат қаратдилар.
Ажуманда Мактабгача таълим вазилиги вазир маслаҳатчиси, педагогика фанлари доктори К.Д.Рискулова, Қори Ниёзий номидаги ЎзПФИТИ профессори Р.Г.Сафарова каби соҳа етакчилари, олий таълимнинг профессор-ўқитувчилари, БухДУ Ўқув-услубий бошқармаси, илмий тадқиқот инновациялар ва илмий педагог кадрларни тайёрлаш бўлими, соҳада фаолият юритаётган мутахассислар, тадқиқотчилар, мактабгача таълим бошқарув тизими мутахассислари, магистр ва талабалар ҳамда мактабгача таълим ташкилотлари педагог-ходимлари иштирок этишди.