Maqsad: Talabalar chiziqli dasturlash masalasi qo’yilishini o’rganishi, matematik modelini qurishni o’rganishi, transport masalasini bazis reajasini tuzish usullari bilan ishlashni o‘rganishi

Zarur nazariy ma’lumotlar.

Transport masalasi chiziqli dasturlash masalalari ichida nazariy va amaliy nuqtai nazardan eng yaxshi o’zlashtirilgan masalalardan biri bo’lib, undan sanoat va qishloq xo’jalik mahsulotlarini tashishni optimal rejalashtirish ishlarida muvaffaqiyatli ravishda foydalanilmoqda.

Transport masalasi maxsus chiziqli dasturlash masalalari sinfiga tegishli bo’lib, uning chegaralovchi shartlaridagi koeffitsientlardan tuzilgan (a_ij) matritsaning elementlari 0 va 1 raqamlardan iborat bo’ladi va har bir ustunda faqat ikkita element 0 dan farqli, qolganlari esa 0 ga teng bo’ladi. Transport masalasini yechish uchun uning maxsus xususiyatlarini nazarga oluvchi usullar yaratilgan bo’lib, quyida biz ular bilan tanishamiz.