Ma’ruzalar kursi

kuzatish organi – bu statistik kuzatishni bevosita tashkil qiladigan va o’tkazadigan tashkilotlardir.

kuzatish vaqti va muddati kuzatishni qachon va necha kunda amalga oshirishni aniqlaydi.

hisobot vaqti olinayotgan ma’lumot qaysi vaqtga tegishli bo’lgan davr bilan o’lchanadi.

kritik fursat (moment) deyilganda ma’lumotlarni ma’lum vaqt (minut, soat, kunga)ga to’g’rilab (moslab) ro’yhatga olish tushuniladi.

kuzatish joyi deyilganda kuzatish qaerda o’tkazilishi lozim bo’lgan joy tushuniladi.

Kuzatishning samarali va sifatli o’tkazilishi unda qatnashadigan kishilarning tayyorgarlik darajasiga bog’lik. SHu sababli kuzatishni o’tkazishdan birmuncha oldin uni o’tkazuvchi mas’ul kishilar bilan maxsus mashg’ulotlar olib boriladi. Kuzatish formulyarlarini, blankalarini, varaqlarini, ko’rsatmalarni tayyorlash, ularni joylarga tarqatish kabi masalalar ham kuzatishni o’tkazishdagi muhim tashkiliy masalalardan biri hisoblanadi.

Mamlakatimizda statistik kuzatish ikki shaklda – statistik hisobotni taqdim etish va maxsus uyushtirilgan statistik tekshirishlarni amalga oshirish yo’li bilan tashkil etildi.