Mashg’ulot turi: Badiiy adabiyot Mashg’ulot mavzusi: Kuyga to’lsin ona Vatan

Mashg’ulot turi:Badiiy adabiyot

Mashg’ulot mavzusi:Kuyga to’lsin ona Vatan

Mashg’ulot maqsadi:Bolalarni she’rga bo’lgan qiziqishlarini oshirish,Ular qalbida she’riy asarlardan zavqlanish hissini o’stirish,vatanga,tabiatga bo’lgan muhabbat tuyg’’usini shakllantirish,she’r va hikoyadagi farqlar haqida ilk tushunchalar berish,she’rni ifodali aytishga o’rgatish,suhbat-munozarada faol qatnashishga undash,erkin javob berish layoqatini shakllantirish.

Mashg’ulotning borishi:

Tarbiyachi:Kelinglar,avval salomlashib olamiz(Harakat bilan)

Assalom saxiy quyosh,

Assalom moviy osmon,

Assalom dadajonim,

Assalom oyijonim,

Salom deyman barchangizga

Biz yashaymiz bir zaminda

Bolajonlar, bizning vatanimiz ning nomi nima?

Bolalar javobi:

Tarbiyachi:Vatanimiz qanday mamlakat?

Bolalar:Mustaqil mamlakat

Tarbiyachi:Bolajonlar, bugun biz sizlar bilan shoirimiz E.Raimovning “Kuyga to’lsin ona vatan” she’rini yod olamiz.Qani ,aytingchi bolajonlar,Vatan deganda nimani tushunasiz?

Bolalar:Vatan bu bizning oilamiz,kindik qonimiz to’kilgan tuproq

Tarbiyachi:Bolajonlar,vatan oilamiz,mahallamiz deb to’g’ri aytdingiz,hozir men sizlarga bir maqol aytaman,siz uni ng ma’nosini tushuntirib berasiz,”Vataning tinch-sen tinch”

Bolalar javobi:

Tarbiyachi:Bolajonlar,insonlar uchun o’z vatani aziz bo’lganidek,qushlar uchun ham shunday ekan.Xo’sh, bolajonlar, bizning o’lkamizda qaysi qushlar qishlab qoladi?

Bolalar:Qarg’a, mayna,chumchuq…..

Tarbiyachi:To’g’ri bolajonlar deyarli ko’pchilik qushlar qishda issiq o’lkalarga uchib ketadi va o’z uylarini sog’inib sayrashadi va kuylashadi.

Jismoniy daqiqa

Laylak keldi,uzun oyoq

Uyingga yo’lni ko’rsat(qo’llar boshga qo’yilib, o’ng va chap tomonga qaraladi)

Avval aylan(joyida aylanadi)

Ikki oyoqlab sacra(sakrash harakati)

O’ng tomonga yur(yurish)

Chap tomonga yur(chapga yurish)

So’ngra orqaga

Keyin oldinga

Shunda uyingga yetasan

Bolajonlar, endi birgalikda she’rni yod olamiz:

Mening do’stim qushchalarsiz

Kuyni buncha xush chalarsiz

Bahor keldi uchib keling

Bog’chamizga ko;chib keling

Keling,keling sayroq qushlar

Qo’shiqlari yangroq qushlar

Kuyga to’lsin bog’ gulshan

Kuyga to’lsin ona-vatan!

Bolajonlar she’rimiz juda chiroyli ekan-a,endi uni harakat yordamida aytamiz(Qushlar rasmini chizish yoki bo’yash davomida she’rni takrorlaymiz)

“She’rdagi so’zlarni kim ko’p topadi” o’yini

Faol ishtirok etgan bolalar rag’batlantiriladi