Mavzu: dori allergiyasi

Provokatsion applikatsion testlar
Diagnoz qo’yish maqsadida va uni tasdiqlash maqsadida standart allergenlar majmuasi, yoki klassik applikatsion testlardan foydalaniladi.
Apllikatsion testlarning bir necha turi mavjud:
An’anaviy yopiq applikatsion testlarda allergen modda yelka yoki bilak terisi ustiga yopishtirilib , ustidan kompress qog’ozi qo’yilgach, leykoplastir bilan fiksatsiyalanadi , natijalar 48 soatdan keyin baholanadi.
Ochiq applikatsion test potentsial allergen moddalar: bo’yoq, sovun, kir yuvish vositalari bilan o’tkaziladi. Bunda potentsial allergen teriga surilib, natijalar 30 daqiqadan keyin baholanadi.
Yarim ochiq applikatsion test zaif mahalliy ta’sir ko’rsatuvchi antiseptiklar, ammoniy tuzlari, emulgatorlar, kosmetik vositalar, erituvilar, suyuq sovun bilan o’tkaziladi. Buning uchun 2 mkl miqdorida testlanuvchi modda teriga surilib qurishigacha kutiladi. Keyin ustidan bog’lam qo’yilib, natijalar 48 soat o’tgach baholanadi.
Testlash uchun qo’llaniladigan standart allergenlar majmuasiga nikel sulfat, lanolin, neomitsin, kaliy dixromat, mahalliy anestetiklar, xushbo’ylantiruvchi moddalar, epoksid yelimlar, rezina, fenildiamin, merkaptan, tiomersal, tiuram unumlari kiradi.
Ehtimol tutilgan allergen mazkur majmuaga kiritilmaganida individual allergenlarni ham qo’llash mumkin.
Applikatsion testlarning natijasi AKDlar bo’yicha xalqaro tadqiqot guruhi tomonidan o’rnatilgan qoidalarga muvofiq baholanadi:

• 
  1+-barqaror eritema va infiltratsiya
  
• 
  2+-vezikulalar paydo bo’lishi
  
• 
  3+-suvli qopchalar paydo bo’lishi va umumiy ahvolning og’irlashishi
  

Shuni taassuflar bilan e’tirof etishimiz lozimki, ayrim hollarda soxta manfiy natijalar kuzatilishi mumkin. Ularga quyidagilar kiradi:
-testlanuvchi moddalar kontsentratsiyasining o’ta past bo’lishi
-baholash nisbatan kech muddatlarda o’tkazilishi
-testlanuvchi moddaning teriga yaxshi fiksatsiyalanmasligi
Testlanuvchi vositalarning namlanilishi
Qattiq moddalar testlanish uchun ma’qul emas, chunki ular terining mexanik shikastlanishiga olib kelib, soxta musbat baholanishga sabab bo’lishi mumkin.
O’tkir kontakt dermatit alomatlari regressga uchraganidan kamida bir oy o’tib test o’tkazish lozim