Maxsus ta’lim vazirligi alisher navoiy nomidagi samarqand davlat universiteti huquqshunoslik fakulteti «Fuqarolik huquqi»

Tadqiqot  metodlari.  Tadqiqot  ishida  ilmiy  bilishning  dialektik, 

tarixiylik, tizimlilik, huquqiy-mantiqiy, tahliliy, qiyosiy-huquqiy va boshqa shu 

kabi usullardan foydalanildi. 

Himoyaga olib chiqilayotgan asosiy holatlar: 

Tadbirkorlik  faoliyatida  tavakkalchilik  asosida ish  yuritishda  eng  avvalo, 

har bir ushbu faoliyatni boshlovchi shaxs tavakkalchilik darajasini hisobga olib, 

bozor  konyunkturasini  puxta  o’rganish  talab  qilinadi  aks  holda  tadbirkorlikdan 

ko’zlagan foydaga erisha olmasdan kutilmagan noxush vaziyatlarni ham keltirib 

chiqarishi mumkin. 

Tadbirkorlik faoliyatida tavakkalchilik belgisi har qanday shaklda tashkil 

topgan  tadbirkorning  o’z  ishonchi  va  qobiliyatiga  qarab,  o’z  mulkini  va 

faoliyatini  tavakkal  qilib,  undan  cheklanmagan  miqdorda  foyda  (daromad) 

olishga qaratadi. 

 Tadbirkorning  tavakkalchilik  asosida  ish  tutishi  raqobatga  bardosh  bera 

olishni hamda kutilmagan harakatlarda o’z mulki va muassislari bilan birgalikda 

to’liq  javobgar  bo’lish  majburiyatini  yuklaydi.  Shuningdek,  tadbirkorlik 

faoliyatining  muhim  belgilari  ichida  tadbirkorlikda  tashabusskorlik,  mulkiy  va 

tashkiliy  mustaqillik  belgilari  ham  muhim  huquqiy  va  iqtisodiy  ahamiyat  kasb 

etadi.