Meksika iqtisodiyotida naftaning ahamiyati

Shuningdek Meksika iqtisodiyotida muhim ahamiyatga ega bo’lgan jihati “Makuiladaros” loyihasi asosidagi sanoatlashtirish edi. Makuiladaro bu – davlatning ishlab chiqarish loyihalarini ma’lum bir imtiyozlar asosida amalga oshirishdir. Makuiladaro odatda “twin plant” yoki “in-bond” deb ham yuritiladi. Bu kabi loyiha asosida, asosan Lotin Amerikasi davlatlari sanoatlashish siyosatini olib borgan. Quyida “Makuiladaros”ning Meksika iqtisodiyotiga ta’sirini ko’rib chiqamiz.

NAFTA mazkur loyiha asosida ochilgan fabrikalar rivojiga hissa qo’shdi. NAFTAdan 5 yil oldin Makuila loyihasi asosida ishlayotgan firmalarda ishlayotgan ishchilar 47%ni tashkil etgan bo’lsa NAFTA tashkil etilgandan 5 yil keyin esa bu ko’rsatkich 86%ni tashkil etdi. Bu kabi fabrikalar soni 2001-yilda 2700 tadan 3700 taga ortdi. 1970-yillarda makuiladaro loyihasidagi fabrikalar asosan Meksika va AQSH chegara hududlarida joylashgan bo’lsa, 1994-yilga kelib bunday fabrikalar butun Meksika bo’ylab tarqalib ketdi. Lekin asosiy qismi chegara hududlardaligicha qoldi.