Microsoft Word Allambergenova M

Tadqiqot obyekti va predmeti. Bitiruv malakaviy ishimizga o’zbek tilshunosligi va adabiyotshunosligining keyingi yillarda erishgan yutuqlari nazariy manba bo’lib xizmat qiladi. O’rxun-Enasoy obidalaridan eng yiriklari Tonyuquq, Bilgaxoqon, Kultegin bitigtoshlarini esa tadqiqot ishimizning predmeti sifatida qabul qildik. Mazkur bitigtoshlar matni tadqiqotchiga juda boy material bo’lib xizmat qiladi, chunki matnlarda so’zlar asl holatida va tarjimasida berilib, ularni qiyosiy o’rganishda qulaylik tug’diradi. Bitiglarni hozirgi davr nuqtai nazaridan o’rganish, undagi matn tili va bugungi kun leksikasi bilan solishtirish tilshunoslikda dolzarb muammolardan biri hisoblanadi. Biz mazkur malakaviy ishimizda yozma obidalardagi lug’aviy birliklarni, yani leksik qatlamni qiyoslash yo’li bilan o’rganishga harakat qilamiz.