Microsoft Word Tursunboyev S. O'zbek teatri tarixi. Majmua

MANNON UYG’UR ABDURAUF FITRAT HAQIDA 
 
«M. Uyg’urning  guvohlik  berishicha,  —  deb  yozadi  M. Rahmonov,  —  Fitrat  «Karl 
Marks»  va  «Namuna»  truppasiga,  so’ng  Samarqandda  davlat  truppasiga  tez-tez  kelib 
turgan.  Teatrda  o’ynalgan  spektakllarning  barchasini  o’zi  kuzatib  borgan.  Ayniqsa,  u 
aktyorlar  bilan  suhbatlashishni  sevar,  Abror  Hidoyatovni,  Ma’suma  Qoriyevani  juda 
e’zozlardi.  A. Hidoyatovni  qaysi  bir  turk  aktyoriga  o’xshatib,  iste’dodiga  yuksak  baho 
berardi. 1921-yilda G’. Zafariyning «Halima»si o’ynalganda gazetaga taqriz yozadi, o’zbek 
teatrida  yangi  —  «opera»  janrining  tug’ilishini  chin  qalbdan  tabriklaydi.  Fitratning  teatr 
bilan  aloqalari  to’g’risida  M. Uyg’ur  quyidagilarni  hikoya  qiladi:  «U  vaqtda  hali  yosh 
dramaturglar  tug’ilmagan  bir  paytda  Fitratning  teatr  bilan  hamkorligi  bizni  quvontirardi. 
Fitrat  biz  uchun  juda  katta  obro’ga  ega  shaxs  edi.  Klassik  adabiyotimiz,  Turkiston  tarixi, 
Sharq  xalqlari  haqida  juda  qiziqarli  suhbatlar  o’tkazar,  nihoyatda  kuchli  xotiraga  eta 
bo’lgan. Qaysi bir klassik shoir ustida gap borsa, uning she’rlarini aytib, ma’nisini sharhlab 
berardi». 
 
Mamajon Rahmonov
 «Fitrat dramaturgiyasi 
va uning sahna tarixi», «San’at» jurnali, 
1991-yil, 3-son.