Mineralogiya – geologiya fanining bir qismi bo’lib, yer po’stini tashkil qiluvchi minerallarning xossalarini va ularni yuzaga keltiruvchi jarayonlarni o`rganadi

Minerallarning fizik xossalari

• Shaffofligi – Minerallarning o’zidan nur o’tkazish qobiliyati ularning shaffofligi deb ataladi. U quyidagi uch gruppaga bo’linadi: 1-shaffof minerallar (kvarst, flyuorit va boshqalar), 2-yarim shaffof (zumrad, kinovar va boshqalar), 3-shaffof emas minerallar (pirit, grafit va boshqalar).
• Ulanish tekisligi – Fizik ta’sir ostida kristall zarrachalarning ulangan joyidan oson ajralib, usti tekis, silliq va yaltiraydigan parchalarga aylanish xususiyati minerallarning ulanish tekisligi deyiladi.
• Yaltiroqligi – Minerallar yuzining nur sindirishi va nurning qaytarish xususiyatiga yaltiroqlik deyiladi. Yaltiroqlik minerallarning nur sindirish ko’rsatkichi, yoritilishi va yuza tuzilishiga bog`liq.