Mirzo ulug’bek nomidagi o’zbekiston milliy universiteti biologiya fakulteti biologiya yo`nalishi

MIRZO ULUG’BEK NOMIDAGI O’ZBEKISTON MILLIY UNIVERSITETI

BIOLOGIYA FAKULTETI BIOLOGIYA YO`NALISHI

4- KURS 18 - 03 - GURUH TALABASI ELMIRZAYEVA NILUFARNING TOSHKENT VILOYATI ZANGIOTA TUMANI 14 -MAKTABDA

BIOLOGIYA FANIDAN O’TAGAN PEDAGOGIK AMALIYOTI

HISOBOTI

Toshkent-2021

Men Elmirzayeva Nilufar o’z pedagogik amaliyotimni Zangiota tumanidagi 14 - maktabda o’tadim. Pedagogik amaliyot bizga 6-sentabr kunidan boshlandi. Pedagogik amaliyot har bir kishining o’z yashayotgan hududiga yana o'zi xoxlagan maktabga olish bo'ldi. Shu kuni biz bitiruvchi 4-kurs talabalari zoom ilovasi orqali onlayn yig’ilishga kirdik. o’zimizning biologiya fakultetida yig’ildik. Bu yig’ilishni fakultetimiz dekani Abduraxmonov T, biokimyo kafedrasi o’qituvchilari Muhammadjonova G olib borishdi. Majlisda bizning qaysi ta’lim muassasasiga biriktirilganinimiz, amaliyot davomida qiladigan ishlarimiz va tayyorlashimiz kerak bo’lgan hujjatlar haqida so’z yuritildi.

Pedagogik amaliyotimiz uch bosqichda amalga oshirilishi bilan tanishdik:

Passiv amaliyot

Aktiv amaliyot;

Stajiyorlik amaliyoti.

7-sentabr kuni biz 8⁰⁰ da maktabga yetib bordim,amaliyotni o’zim yshayotgan tumanga olganligim sababli bir o’zim bordim. Amaliyot rahbarimiz Muhammadjonova Go`zal opa bizga amaliyot to’g’risida yo’l-yo’riq ko’rsatib turdilar. Men bu yerda biologiya fani o`qituvchilari bilan tanishdim. Meni maktab direktori Xasanova Nargiza To'laganovna va biologiya o`qituvchisi Qosimova Gavharoy opa iliq kutib oldilar va maktab bilan tanishtirdilar va amaliyotimiz davomida qiladigan ishlarimiz hamda zarur bo’ladigan hujjatlar bilan tanishtirdilar. Men shuningdek, maktabning ichki tartib qoidalari bilan ham tanishib oldim. Tabiiy fanlar o’qituvchilari ham bizni pedagogik faoliyatimizni boshlanganligi bilan tabriklab, omad tilashdi.

Bizda pedagogik amaliyot har kimning o’z hududida bo’layotganligi sababli o’sha maktabga borgan kun ya’ni 7-sentabrdan boshlab bizda passiv amaliyot boshlandi. Biz har kuni maktabga 8⁰⁰ da kelamiz va yo’qlamadan o’tgach, dars o’tish te xnikasi va metodikasini o’rganish uchun maktab o’qituvchilarining darslariga kuzatishga kiramiz. Dastlabki bir hafta davomida biz turli yo’nalishdagi sinflarda dars kuzatdik va o’rgandik. Biz bunda o’qituvchilarning ijobiy tomonlarini o’zimizga o’zlashtirishga harakat qildik. Passiv amaliyot bizga dars o’tish uchun tajriba to’plashga yordam berdi.Shuningdek biz passiv amaliyot davomida taqvimiy dars rejasi, guruh murabbiylik ishlari bilan tanishdik.

12-sentabrdan bizdan rasmiy ravishda aktiv amaliyot boshlandi va biz dars o’tib boshladik. Biz sinflarga biriktirildik. Men maktabdagi amaliyot rahbarim Qosimova Gavharoy opa tomonidan 5 ”A ”-sinfga biriktirildim va 18-sentabr kuni men mana shu guruh bilan birinchi darsimni olib bordim. Birinchi kundanoq o’quvchilar meni yaxshi kutib olishdi. O’quvchilarim bilan do’stona munosabat o’rnatib oldim. Bundan tashqari men qolgan sinf o’quvchilariga ham asta –sekin 5-, 8, 9, 10 va 11- sinflarga ham darsga kirdim va ular bilan ham darslarim juda yaxshi o’tdi. Har kungi dars jadval bo'yicha dars bera boshladim. Gavharoy opa menga ishonib topshirdilar o'quvchilarni va o'qituvchilikni.

Aktiv amaliyotimizning keying kunlari davomida men fan o’qituvchisining dars o’tish usulini va pedagogik tajribamni rivojlantirish bilan shug’ullandim, boshqa o’qituvchilarni darslarini ham kuzatib, tahlil qilib bordim.

Biz pedagogik amaliyotchi rahbarimiz Hamroyev.S.H tushuntirganlaridek, aktiv amaliyot davomida shuningdek murabbiylik soati va ochiq darslar o’tish bilan tanishdik. Men murabbiylik soatlarida har hafta davomida turli mavzularda o’q uvchilarim bilan davra suhbati o’tkazdim.

Amaliyotimizning oxirgi haftaligida dars o’tish bilan birgalikda tadbirlar o’tqazish bilan shug’ullandik.Men tadbirni 10 - " A" sinfi bilan ochiq dars shaklida o’tkazdim. Bunda biz uyga vazifani va yangi mavzuni boshqa mavzularga qaraganda yanada mustahkamroq qilib o’rgandik. Ochiq dars mavzuyimiz esa Hujayraning hayot sikli.Bu ochiq dars davomida o’quvchilar o’zining bilimdonligi va zukkologini yana bir bor ko’rsatishdi. Dars davomida ular o’zaro bir-biri bilan fikr almashishdi bilimlari orqali kuch sinashdi. Ochiq dars davomida faol qatnashgan o’quvchilar a’lo baholar bilan rag’batlantirildi. Bu ochiq dars menga ham o’quvchilarga ham ijobiy tajriba bo’ldi va o’zimiz uchun kerakli bilim va ma’lumotlarga ega bo’ldik.

Shu ikki oylik amaliyotim davomida menga yo’l –yo’riq ko’rsatgan ustozlar va albatta men dars bergan barcha o’quvchilarim va 14 -maktab men uchun juda qadrdon bo’lib qoldi . Shuni aytishim joizki, pedagogik amaliyot davomida o’qituvchilk kasbi qanchalik murakkab, ma’suliyatli va sharafli kasb ekanligiga yana bir karra amin bo’ldim. Lekin har safar o’quvchilarim yuziga boqqanimda va ularning bizga bo’lgan cheksiz hurmatini his etganimda bu kasbni tanlaganimdan hech ham afsuslanmadim. Men buning uchun ustozlarimga va o’quvchilarimga minnatdorligimni bildiraman!!!

Amaliyotchi: Elmirzayeva N.

Amaliyot rahbari: Hamroyev.S.H

Amaliyotga maktab tomonidan tayinlangan rahbar: Qosimova G.