Мобил станция; bss (ингл. Base Station Subsystem) – таянч станциялар нимтизими

Tajriba 5
Маълумки, GSM тармоқлари уч асосий тузилма элементини ўз ичига олади (2.8-расмга қаранг):

• 
  MS (ингл. Mobile Station) – мобил станция;
  
• 
  BSS (ингл. Base Station Subsystem) – таянч станциялар нимтизими;
  
• 
  NSS (ингл. Network and Switching Subsystem) – тармоқ ва коммутация нимтизими.
  

2.8-расм. GSM тармоғининг тузилиш схемаси

BSS нимтизими MS учун радиоуланишни бошқариш вазифасини бажаради, хусусан: овозни кодлаш/декодлаш, сигнални модуляциялаш/демодуляциялаш, «юқорига» ва “паст” йўналишлари бўйича узатиш тезлигини радиомуҳит шароитларига мослаштириш ва бошқалар.

BSS нимтизими қуйидаги қисмлардан ташкил топган:

• 
  BTS (ингл. Base Transceiver Station) – таянч станция: сота деб аталувчи чекланган географик ҳудудда радиосигналларни узатиш ва қабул қилиш учун керак бўлган қурилмаларни ўз ичига олади.
  
• 
  BSC (ингл. Base Station Controller) – таянч станция контроллери: радиоканалларни ва “хэндовер” процедурасини бошқариш вазифаларини амалга оширади.
  

NSS нимтизими деб радиоуланиш тармоғи ва ташқи умумий фойдаланиш алоқа тармоқлари орасида коммутацияни (уланишни) амалга оширувчи қисм ҳисобланади.
NSS ўз ичига қуйидаги қисмларни олади:

• 
  MSC (ингл. Mobile Switching Center) - мобил коммутация маркази: радиоуланиш тармоғи ва PSTN, PDN ва ISDN каби турғун алоқа тармоқлари орасидаги ўзаро боғловчи қисм, хамда симли таянч тармоғи ҳисобланади. Мобил алоқа тармоғида MSC маркази BSC контроллерларини бир-бири билан улаш, хамда бошқа MSC марказлари билан уланиш вазифаларини бажаради.
  
• 
  HLR (ингл. Home Location Register) - маҳаллий («уй») абонентлар регистри: тармоқда доимий рўйхатдан ўтган абонентлар ҳақида маълумот базаси ҳисобланади. HLR да абонентни танитадиган манзиллар (адреслар), рақамлар ва абонентларнинг ҳақиқийлигини билдирадиган ва тасдиқлайдиган параметрлар, шунингдек, абонентга кўрсатилаётган алоқа хизматлари таркиби, маршрутлаштириш ва «роуминг» бўйича маълумотлар сақланади.
  
•