Mobil telefon kompaniyalari tarixi

APPLE HAQIDA

“Apple” (apple-olma) kompaniyasiga 1976-yil 1-aprelda Stiv Jobs asos solgan. 
Kompaniyaning ilk logotipi bugun-gisiga umuman o‘xshamaydi. Unda Isaak Nyuton tasvirlangan edi.
“Apple Lisa” kompyuterini Stiv Jobs Liza ismli qizi sharafiga nomlagani ko‘pchilikka ma’lum. Ammo “Macintosh” atamasining qayerdan kelganini bilasizmi? “Makintosh” “Apple” kom-paniyasi xodimi Jef Raskinning sevimli olma navi edi. 
“Apple”ning bugungi kundagi bozor qiymati 568 milliard dollar hisoblanadi. “Apple”dan oldin “Exxcon Mobile” kompaniyasi birinchi bo‘lgan. Hozirda bu kompaniya 400 milliard dollar bilan ikkinchi o‘rinni egallamoqda.
“Apple” o‘zining “Qurilmani blokdan chiqarish uchun siljitish” – “Slide To Unlock” funksiyasini patent-lagan. Shu bois bu funksiyani boshqa hech bir kompaniya qurilmalarida uchratmaysiz.

Apple iPhone haqida beshta fakt

A pple kompaniyasi 2007-yildan iPhone sotishni boshlagan va u bugungi kunda dunyodagi eng yirik kompaniyalardan biri hisoblanadi. CNN Apple iPhone haqida beshta ma’lumotni e’lon qildi. Bu haqda "Parol” nashri xabar berdi. Apple hozirgi kungacha 343 milliard dollar qiymatga ega iPhone smartfonlarini sotgan. Bu esa Apple mahsulotlari sotuvidan tushgan pulning yarmini tashkil etadi; Apple jami 551 million dona iPhone sotgan va buning yarmidan ko‘pi oxirgi bir yarim yil davomida sotilgan; Apple 2007-yildan hozirgacha iPhone bilan deyarli bir xil — 610 million dona iPad plansheti, iPod pleyeri va Mac kompyuterlarini sotgan; O‘tgan 12 oy davomida Apple’ning iPhone sotuvidan ko‘rgan daromadi Microsoft’ning barcha mahsulotlari sotuvidan tushgan daromaddan 13 foiz ko‘p. Bu davr mobaynida iPhone sotuvidan 97,8 milliard dollar daromad ko‘rilgan bo‘lsa, Microsoft barcha sotilgan mahsulotlaridan 86,8 milliard dollar daromad ko‘rgan; iPhone sotuvi hali ham o‘sib bormoqda. Biroq, ko‘rsatkichlar avvalgidek tez ko‘tarilmayapti.