Muhandislik grafikasi

1.5. To‘g‘ri chiziqning ortogonal proeksiyalari

1.10-shakl

AB to‘g‘ri chiziq kesmasining yaqqol tasviri va uning П₁ tekisligiga ortogonal proeksiyalash 1.10-shaklda ko‘rsatilgan. AB to‘g‘ri chiziq kesmasining ortogonal proeksiyasini parallel proeksiyalashning xossalarini inobatga olgan holda ko‘rib chiqamiz. O‘zaro parallel bo‘lgan AA₁ va BB₁ proeksiyalovchi to‘g‘ri chiziqlar mos ravishda A va B nuqtalar orqali o‘tib, П₁ proeksiyalar tekisligi bilan kesishuvchi Q tekislikni hosil qiladi. П₁ va Q tekisliklarining o‘zaro kesishuv chizig‘i A va B nuqtalarning П₁ proeksiya tekisligidagi A₁ va B₁ proeksiyalari orqali o‘tadi. A₁B₁ to‘g‘ri chiziq AB to‘g‘ri chiziqning П₁ proeksiyalar tekisligidagi yagona proeksiyasi hisoblanadi.