Murodov ma’murjon ma’rupovich axborot kommunikatsiya texnologiyalarida xavfsizlik insidentlarini tahlil qilish asosida kiberhujumlarni aniqlash algoritmi

Uchinchi bob bo‘yicha xulosalar

1. 
   Pretsedentlarga asoslangan tizimlarda muammoning yechimini izlash analogiya tushunchasiga (xususiydan xususiyga qarab) asoslanadi. Analogiyaga asoslangan fikrlash - bu bir nechta berilgan ob'ektlar o'rtasidagi o'xshashlikni aniqlashga imkon beradigan va ba'zi ob'ektlar uchun haqiqiy bo'lgan faktlarni (bilimlarni) boshqa ob'ektlarga o'xshashlikka asoslangan holda, muammoni hal qilish usulini aniqlash yoki noma'lum faktlarni bashorat qilish usuli hisoblanadi. Bu bobda insidentlarni tahlil qilish uchun pretsedent tahlil usuli algoritmini keltirib, uni optimallashtirilib tadbiq etildi.
   
2. 
   Axborot xavfsizligi insidentlarini tahlillash jarayonida uning asosiy omillari asosida baholash algoritmi faktlar bilan va model ko’rinishida ko’rsatib otildi.
   

XULOSA
“Axborot kommunikatsiya tizimlarida xavfsizlik insidentlarini tahlil qilish orqali kiberhujumlarni aniqlash algoritmi” mavzusidagi dissertatsiya ishi bo’yicha olib borilgan tadqiqotlar natijasida quyidagi xulosalar taqdim etildi:

1. 
   Axborot kommunikatsiya tizimlarida xavfsizlik insidentlari shu vaqtgacha yetarli darajada o’rganilmaganligi kuzatildi. Bunga qaramasdan insidentlarni o’rganishishlari olib borildi va ularni klassifikatsiyalarga, turlarga bo’lib o’rganildi. Insidentlarni boshqarish va baholash jarayonlari kengroq yoritib berildi.
   
2. 
   Insidentlarga javob chorasi ko’rishda oldindan ma’lum bo’lgan insidentlar bazasi asosiy rol o’ynaydi. Bunda sodir bo’lishi kutilayotgan hodisa insidentlar bazasidan solishtirilib ko’riladi va ularga aynan javob qaytarish rejasi mavjud insidentlar yoki ularga o’xshash insidentlar javob choralari kabi ko’riladi.
   
3. 
   Axborot xavfsizligi insidentlarini boshqarish jarayonini takomillashtirish uchun pretsedent tahlil qo'llandi va optimallshtirildi. Uning dasturiy algoritm sxemasi keltirilib, atroflicha ochib berildi.
   
4. 
   Axborot xavfsizligi insidentlari omillari ro‘yxatlari sodir bo‘lgan va muntazam yangilanib turuvchi axborot xavfsizligi insidentlari va hodisalari ma’lumotlar bazasi asosida tuziladi. Bu ruyxat axborot xavfsizligi insidentlari omillari asosida baholashga asos sifatida olinadi.