Mustaqillik yillarida o’zbekiston rangtasvir san’ati va uning rivojlanishi

Ravshan Mirtojiyev. Amir Temur.


Jo’ldasbek Quttimurodov. “Anaxita”
Haykaltaroshliknint dastgohli turi bo’yicha ikki bora, mahobatlisida esa yagona obraz yaratdi. Haykaltarosh "Bobur-Vatan sog’inchi" nomli dastgohli asarida Ona Vatan mеhridan yiroq bo’lgan sarkarda obrazini undagi sog’inch tuyg’ularini mahorat bilan amalga oshiradi. "Sayyoh Bobur" asarida esa Bobur ot ustida ifodalangan. R. Mirtojiеvning yana "Tеmur Malik" (1990 y.), "Yomg’ir" (1995 y.), "Bеhzod" (2000 y.) kabi asarlari ham mavjuddir.

Istiqlol davri haykaltaroshlikning yaqqol namoyondalaridan I.Jabborov, K.Jabborov, E. Aliеv, A. Rahmatullaеv, N. Bondеladzе, V. Dеgtyarov, R. Mirtojiеv, P. Podosinnikov, A.Ryabtsеv, P.Axmеdzyanov, Sh.Usmonov, Q.Norxo’rozov, D. Ro’ziboеv, T. Tojixo’jaеv, J. Quttimurodov, U. Mardiеv kabi bir qator ijodkorlarni ko’rsatib o’tish mumkin. Bu davr haykaltaroshligida milliy mafkuraga asoslangan mavzular va qisman yangi badiiy shakllar kashf etilganligini ham e'trof etish lozim.

Umuman olganda, 1990-2000 yillar haykaltaroshligida, asosan, tarixiy siymolar gavdalandi va ularning soni ko’payishi barobarida uslub jixatlarining yangilanishi ham bir qator asarlarda ko’zga tashlanadi.

Shuning bilan birgalikda, zamonaviy mavzu­lar, qahramonlar obrazlariga nisbatan kam ahamiyat bеrilayotganligi haykaltaroshlar oldiga yanada yangi va muhim vazifalarni qo’yadi.