Namangan davlat universiteti tibbiy bilim asoslari kafedrasi tibbiy bilim asoslari fanidan amaliy

Ishdan maqsad. Bemorlarga xantalmalar qo’yishni o’rganish bo’yicha amaliy ko’nikmalar hosil qilish.


Zarur jixozlar: Xantalma, bo’yraksimon tog’oracha, iliq (35⁰Sli) suv, sochiq. Ishni bajarish tartibi. Bemorning xantalma qo’yiladigan soxasidagi teri ko’zdan kechiriladi. Terida toshmalar, tirnalgan joylar, yaralar bo’lmasligi kerak xantalmani iliq (35⁰Sli) suvda namlab, keyin silkitiladi. So’ngra tananing kerakli soxasiga xantalma tomoni bilan qo’yiladi. Ustidan sochiq bilan yopiladi. 10-15 daqiqa o’tgach xantalma olinadi. Xantalma qo’yilgan soxa terisi iliq suv bilan yuvilib, quruq qilib artiladi. Bemor kiyintirilib, issiq urab-chirmab qo’yiladi. Xantalmalarni har kuni emas, kun osha qo’yish mumkin.


Mustaqil ishlar. O’quvchilar xantalmalar qo’yish texnikasini bir-birlariga bajarib ko’radilar.


BANKALAR


Nazariy tushuncha. Bankalar vrach tomonidan tayinlanadigan davo muolajalaridan biri xisoblanadi. Ular yalig’lanish xodisalarini surilishi, og’riqni kamayishiga yordam beradi. Bankalar chetlari silliq, tubi yumaloq kolbasasimon shisha stakanchalardir.


Kursatmalar. Ko’krak qafasi organlaridagi yalig’lanish jarayonlari, qovurg’alararo nevralgiyalar, radiqo’litlar, o’tkir va surunkali miozitlar.


Moneliklar. O’pkadan qon oqishi, o’pka sili, ko’krak qafasi o’smalari, teri kasalliklari, allergik xolatlar, epilepsiya.


Ishdan maqsad. Banka qo’yish texnikasini o’zlashtirish va amaliy ko’nikma hosil qilish.
Zarur jixozlar: Bankalar, sochiq, spirt, paxta, gugurt, vazelin, metall, sterjin.
Ishni bajarish tartibi. Odatda bankalar bemor yotgan xolatda 10 tadan 20 tagacha qo’yiladi. Ishlatishdan oldin ularni iliq suv bilan yaxshilab yuviladi, quruq qilib artiladi. So’ngra bankalar qo’yiladigan soxa ko’zdan kechiriladi. Ko’pincha bankalarni ko’krak qafasining Orqa tomoniga, Orqaga, belga qo’yiladi. Banka qo’yiladigan soxa terisini jun bosgan bo’lsa, u qirib tashlanadi va yaxshilab yuviladi, vazelin surtiladi. Bunda bankalar teriga zich yopiladi va teri kuyib qolmaydi. Metal sterjenga yaxshilab paxta o’raladi va uni spirtga botiriladi. Suyuqlikning ortiqchasi tampondan silkitib to’shiriladi. Shundan keyin metal sterjenga o’ralgan paxta yoqiladi. Bankani bemorni tanasiga yaqinlashtirib, yonib turgan tamponni 2-3 sekundga banka ichiga tikib, uning havosi chiqariladi. Zudlik bilan kerakli soxaga bug’zi bilan qo’yiladi. Banka ichida vaakum hosil bo’lganligi sababli, uning tagidagi teri 1-3 sm balandlikkacha turtiladi va tiniq kung’ir tusga kiradi. Bankalar terida 15-20 daqiqagacha turishi kerak. Belgilangan muddat o’tgandan keyin, banka olinadi. Buning uchun bankani extiyotlik bilan bir oz chetga burib, ikkinchi qo’l barmoqlari bilan banka chetidagi teri bosiladi. Banka ichiga havo kirishi bilan osonlikcha teridan ajraladi. Banka olingandan keyin teri artiladi, bemorni issiq o’rab yotqizib qo’yiladi. Bankalar kun osha yoki har uch kunda qo’yiladi.

Bankalar ishlatilgandan keyin yaxshilab artiladi va maxsus yashikchalarga terib qo’yiladi.. Boshqa kerakli jixozlar ham shu yashikda saqlanadi.