Намунавий =оида

1.4.12.1. Ишлаб чиқариш масалалари билан шуғулланувчи трест бошқарувчиси (бирлашма бош директори (бошлиғи) ўринбосари қуйидагиларга масъул:

1. 
   меҳнат муҳофазаси бўйича қоидалар ва меъёрларни билиши ва уларни бажариши;
   
2. 
   меҳнат шароитларини яхшилаш, меҳнат муҳофазаси ва санитария-соғломлаштириш мажмуавий режасининг тегишли бўлимларини ишлаб чиқишда иштирок этиши, шунингдек қабул қилинган мажмуавий режанинг бажарилишини таъминлаши;
   
3. 
   иш жойларининг аттестацияси, ҳисобга олиш ва режалаштириш, иш вақтидан фойдаланишни яхшилаш, иш усуллари ва методларини такомиллаштириш бўйича тадбирларни ишлаб чиқишда иштирок этиши;
   
4. 
   фаолияти доирасига тегишли бўлган меҳнат хавфсизлиги бўйича стандартларнинг татбиқ қилинишини таъминлаши;
   
5. 
   хавфсиз ва зарарсиз меҳнат шароитлари билан таъминлаши, ишлаб чиқариш жароҳатланиши ва касб касалланишининг олдини олиш бўйича тадбирларни татбиқ этиши;
   
6. 
   ишлар бир пайтнинг ўзида бир неча ташкилотлар томонидан ёки ҳаракатдаги корхона томонидан бажарилганда уйғунлаштирилган ишлаб чиқариш ишлари жадвали ва техника хавфсизлиги бўйича тадбирларни ишлаб чиқишда иштирок этиши;
   
7. 
   прогрессив технологик жараёнлар, тўсувчи конструкциялар, ҳимоя, монтаж ва бошқа мосламаларнинг сақлаш қурилмаларини ишлаб чиқаришга татбиқ қилишни таъминлаши;
   
8. 
   меҳнат муҳофазаси бўйича буйруқлар, фармойишлар, кўрсатмалар, қоидалар ва меъёрларнинг бўлинмаларда бажарилишини таъминлаши;
   
9. 
   ойда бир мартадан кам бўлмаган миқдорда бўлинмаларда меҳнат шароитлари, ишлаб чиқариш маданияти ва технологик интизомга амал қилинишини текшириши, аниқланган камчиликларни бартараф этиш бўйича чоралар кўриши;
   
10. 
    ишлаб чиқаришда содир бўлган бахтсиз ҳодисаларни текширишда иштирок этиши, уларнинг сабабларини таҳлил қилиши ва олдини олиш бўйича чоралар кўриши;
    
11. 
    ишлаб чиқариш базасидаги бинолар ва иншоотлдарнинг техник ҳолати ва улардан хавфсиз фойдаланишни назорат қилиши;
    
12. 
    Меҳнат муҳофазаси бўйича қоидалар ва меъёрлар бузилишини бартараф қилиш бўйича чоралар кўради. Алоҳида ҳолларда, агар ишлаб чиқариш жараёни ишловчиларнинг хавфсизлигига бевосита таҳдид солса, ишни тўхтатиб, бу ҳақда раҳбариятга хабар бериши ва меҳнат муҳофазаси бўйича журналга қайд қилиши (уч босқичли назорат босқичи) лозим.
    

1.4.12.2. Ишлаб чиқариш масалалари билан шуғулланувчи трест бошқарувчиси (бирлашма бош директори (бошлиғи) ўринбосари хавфсиз ва зарарсиз меҳнат шароитини яратишда фаол иштирок этаётган ходимларни рағбатлантириш, шунингдек меҳнат хавфсизлиги талабларини бузаётганларни жазолаш тўғрисида раҳбариятдан сўраш ҳуқуқига эга.