“Navoiy iesdagi nasos stansiyasining suv sathini intelektual datchiklar yordamida boshqarish”mavzusidagi kurs loyihasi

Navoiy IESdagi nasos stansiyasining suv sathini intelektual datchiklar yordamida boshqarishning texnologik sxemasi
Qozon-utilizatorga suv ta’minlab beruvchi ta’minot nasoslar stansiyasi avtomatlashtirish obyekti hisoblanadi. Bu yerda nasoslar qizib ketishini oldini olish maqsadida ma’lum muddat ishlatilib, zahiradagisi bilan almatirilib foydalaniladi. Avtomatlashtirishning funksional sxemasida apparatlar zanjiri ko’rsatilgan.
Dastlab suv suvni kimyoviy tozalash sexidan chiqib, suv saqlash rezervuarlari 1ga quyiladi. Suv saqlash rezervuarlari 1da sath o’lchash uchun zamonaviy intellektual Prosonic FMU41 (1-1, 3-1) qurilmalari va sath oshib ketganda signalizatsiya beruvchi Liquiphant FTL64 (2-1, 4-1) qurilmalari o’rnatilgan bo’lib, u orqali 1-4 va 3-4 rostlash qurilmasi boshlariladi va rezervuarlardagi sath nazorat qilinadi. Dath oshib ketganda signalizatsiya beruvchi Liquiphant FTL64 qurilmasidan signal kelganida rezervuarga kiruvchi barcha suv liniyalari yopiladi va jarayon o`chirilishi ham mumkin.
Rezervuarlardan chiqishda bosim o`lchash uchun Cerabar PMC11 (5-1, 6-1) qurilmalari o`rnatilgan va bu qurilmalar qiymatlari orqali 5-4 va 6-4 rostlash qurilmalari nazorat qilinadi. Bundan tashqari, agar ushbu liniyada yetarlicha bosim bo`lmasa, nasoslarimiz ishga tushmaydi, bu orqali nasoslar quruq aylanishidan himoya qilamiz.
Funksional sxemada 7-1, 8-1, 9-1, 10-1 pozitsiyalarda Arosna 1D200-90 markali nasoslar joylashgan va ular ishlagan vaqtda 7-4, 7-6, 8-4, 8-6, 9-4, 9-6, 10-4, 10-6 rostlash qurilmalari ham boshqariladi. Ya’ni qaysi nasos ishlayotgan bo`lsa, o`sha nasosga tegishli bo`lgan rostlash qurilmalari ochiladi. 7-6, 8-6, 9-6, 10-6 rostlash qurilmalari faqat bir tomonga o`tkazuvchi klapanga ega. Bu funksional sxemada ko`rsatilgan.
Nasoslarning chiqish qismidagi liniyasiga Cerabar PMC11 (11-1) bosim o`lchash qurilmasi o`rnatilgan, ushbu liniyadan baypas liniyasi chiqarilib, qayta nasoslarning kirish qismiga ulangan. Buning sababi shundaki, 1-1 pozitsiyadagi bosim o`lchash qurilmasidan bosib oshib ketganligi haqida signal kelganida, nasos tezligini sekinlashtirilgunga qadar 11-4 rostlash qurilmasi ochilib, ortiqcha bosimdan halos bo`lamiz.
Nasoslar chiqishidan qozon-utilizatorga suv yetkazib beriladi va bu liniyaga Prosonic flow 93P (12-1) sarf o`lchash qurilmasi o`rnatilgan.Ushbu barcha konturlarni boshqarish uchun Siemens SIMATIC S7-1500 logik kontrolleri tanlangan. Barcha o’lchash qurilmalari boshqarish shitiga, kontrollerga yuboriladi va ma’lumotlar qayta ishlanib, jarayon boshqariladi va nazorat qilinadi. Agarda qiymatlar belgilangan miqdorlardan chiqib ketsa, signalizatsiga ishga tushadi, avariya holatlarida jarayon qurilmalari o’chiriladi.