Nazariy savollar

11-Nazariy savol.
Ma’muriy jazo tushunchasini yoritib bering.
Ma’muriy jazo — ma’muriy huquqbuzarlikni sodir etgan shaxsga nisbatan qo'llaniladigan davlat javobgarligining chorasi bo'lib, yangi huquqbuzarliklaming sodir etilishini oldini olish maqsadida qo'llaniladi. Ma’muriy jazo — ma’muriy majburlovning bir ko'rinishi hisoblanadi. Ma’muriy jazo ma’muriy majburlovning boshqa choralaridan farqli ravishda, o'ziga xos maqsadga ega bo'lgan jazo sanksiyalari bo'lib, protsessual tartibda qo'llaniladi. Ma’muriy jazo ma’muriy javobgarlik to'g'risidagi kodeks bilan, ma’muriy majburlovning boshqa choralari esa turli normativ hujjatlar bilan tartibga solinadi. Ma’muriy jazo — turli huquq tarmoqlari (konstitutsiyaviy, ma’muriy, mehnat, moliya, fuqarolik, fuqarolik protsessual, jinoyat-protsessual. huquq) normalarini buzganlik uchun qo'llaniladi. Uni qo'llash orqali shaxsga to'g'ridan-to'g'ri ta’sir ko'rsatiladi, aybdoming huquqiy maqomi vaqtincha cheklanadi (masalan, ma’lum bir huquqlar cheklanishi, qo'shimcha majburiyatlar yuklanishi mumkin), shuningdek, jazoga tortilganlik holatini vujudga keltiradi. Bundan tashqari, ma’muriy jazo sodir etilgan huquqbuzarlikka nisbatan davlat tomonidan rasmiy va oshkora salbiy baho berish hisoblanadi. Jazolash — ma’muriy jazoning asosiy maqsadi emas, balki huquqbuzarlikni sodir etgan shaxsni qonunlami hurmat qilish ruhida tarbiyalash, huquq tartibotni ta’minlash, yangi qonunga xilof qilmishlaming sodir etilishini oldini olish maqsadida qo'llaniladi. Ma’muriy jazo, ma’lum bir ma’noda, jinoyatlarning oldini olishga xizmat qiladi. Yu.M.Kozlovning fikricha, ma’muriy jazo choralari — ma’muriy huquqbuzarlik oqibatida yetkazilgan moddiy zararni qoplash maqsadida qo'llanilmaydi. Agar ma’muriy huquqbuzarlik orqali jismoniy yoki yuridik shaxsga moddiy zarar yetkazilgan bo'lsa, huquqbuzarlik ishini ko'rib chiquvchi davlat organi rrm'-'uiriy jazoni tayinlash bilan bir vaqtda, mulkiy zararni undirish boyicha masalani hal etishi mumkin. Mulkiy zararni undirish fuqarolik ishlarini ko'rib chiqish tartibida amalga oshiriladi. O'zbekiston Respublikasining Ma’muriy javobgarlik to'g'risidagi kodeksining 22-moddasiga binoan m a’muriy jazo - javobgarlikka tortish chorasi bo'lib, u ma’muriy huquqbuzarlik sodir etgan shaxsni qonunlarga rioya etish va ularni hurmat qilish ruhida tarbiyalash, shuningdek, ana shu huquqbuzarning o'zi tomonidan ham, boshqa shaxslar tomonidan ham yangi huquqbuzarlik sodir etilishining oldini olish maqsadida qo'llaniladi.