Nilufar Baxriyeva Malikovna

Nilufar Baxriyeva Malikovna

Nilufar Baxriyeva Malikovna o‘z kasbini chuqur biladigan va sevadigan mohir pedagog, kamtarin inson va talabchan ustozdir. U o‘zining pedagogik faoliyati davomida bilimdonligi, ijodkorligi, izlanuvchanligi, tirishqoqligi bilan tez orada jamoa o‘rtasida, o‘quvchilar va ota-onalar o‘rtasida hurmat-e’tiborga sazovor bo‘ldi. Uning ona tili va adabiyot fanini o‘quvchilarga etkazish, ularning iste’dodini aniqlash va rivojlantirish, o‘quvchilarning fanga bo‘lgan qiziqishlarini yanada oshirishdagi xizmatlari juda kattadir. Iqtidorli o‘quvchilar bilan ishlashda dars jarayonida “T chizma”, “Chaynvord”, “Idrok xaritasi” kabi metodlari, “Charxpalak”, “Zinama-zina”, “Aqliy hujum”, “FSMU” kabi usullarni qo‘llash yuqori samara berishi kuzatilgan. Keling, bunday metodlardan bir nechtasini misol keltiraylik. “Zinama zina” usulidan o’qituvchi o’tgan mavzuni mustahkamlash va yangi mavzuni tushuntirish jarayonida qo’llshi mumkin. Unda o’quvchilar guruhlarga bo’lingan holda yoki yakka tartibda ham berilgan mavzu yuzasidan o’z fikrlarini ketma-ketlik asosida aytadilar. Bu topshiriq yozma bajarilishi ham mumkin.
Tumanda o‘tkazilgan “Bilimlar bellashuvi”da, fan olimpiadalarida o‘quvchilari doimo yuqori natijalarga erishib kelmoqda. Bundan tashqari o‘qituvchi tumanda o‘tkazilgan “Eng namunali dars ishlanmasi” tanlovida faxrli I-o‘rinni, “Ko‘rgazmalar tanlovi”da faxrli I-o‘rinni egalladi. Tuman, viloyat, respublika gazetalarida o‘z maqolalari bilan qatnashib keladi.
Izlanuvchan muallima “Yilning eng yaxshi fan o‘qituvchisi-2018” tanlovida ona tili va adabiyot fani yo‘nalishi bo‘yicha ishtirok etgan va bu ko‘rik-tanlovning tuman bosqichida II-o‘rinni egallagan.
2019-yil maktablarni milliy reytingini aniqlash bo‘yicha o‘tkazilgan respublika inspeksiyasi nazoratida 27-umumiy o‘rta ta’lim maktabi faxrli I-o‘rinni egalladi. Bu yutuqqa erishishda o‘qituvchi N.Baxriyevaning alohida hissasi bor. O‘qituvchi dars berayotgan 9-A sinf o‘quvchilarining ona tili fanidan yozgan diktant natijasi: 90% bilim sifati va 100% o‘zlashtirishni berdi.