Nizomiy nomidagi TDPU magistratura bo’limining 1-bosqich magistranti F.I.Oning “Ta’lim yo’nalishi nomi” yo’nalishi bo’yicha “Talabalarda shaxslararo munosabat madaniyatini rivojlantirish” mavzusidagi magistrlik dissertatsiyasining
A S O S N O M A S I
Tadqiqot mavzusining dolzarbligi.
Oliy o‘quv yurtlarida munosabat sifati va samaradorligini oshirilishi uchun professor-o‘qituvchi nafaqat pedagogikani, balki shaxslarning ruhiy holati va kechinmalarini, muloqotning ruhiy ta‘siri va munosabatlarning psixologik tomonlarini ham yaxshi bilishi kerak bo'ladi. Bu esa har bir pedagog xodimdan psixologiya ilmining sir-asrorlaridan xabardor bo'lish va shu asosda qonuniy xatti-harakatlarni amalga oshirishni taqozo etadi.
O‘zbekiston Respublikasi Prezidentining 2019-yil 8-oktabrdagi Oliy ta’lim tizimini 2030-yilgacha rivojlantirish konsepsiyasini tasdiqlash to‘g‘risida farmonida O‘zbekiston Respublikasida oliy ta’limni tizimli isloh qilishning ustuvor yo‘nalishlarini belgilash, zamonaviy bilim va yuksak ma’naviy-axloqiy fazilatlarga ega, mustaqil fikrlaydigan yuqori malakali kadrlar tayyorlash jarayonini sifat jihatidan yangi bosqichga ko‘tarish, oliy ta’limni modernizatsiya qilish, ilg‘or ta’lim texnologiyalariga asoslangan holda ijtimoiy soha va iqtisodiyot tarmoqlarini rivojlantirish asosiy maqsad sifatida belgilangan.
Shu bilan birga tarbiyaning maqsad va vazifalari borasida muayyan xalqning hayotiy tajribasi hamda turmush tarzida shakllangan amaliy qarashlar majmui; muayyan jamiyatda yashash uchun har bir odam amal qilishi shart sanalgan va urfodat, udum, xulqodob, marosim, anʼana, turmush tarzi, badiiy ijod, uyin singari empirik vositalarda namoyon bo’ladigan amaliy faoliyat hamdir.
Oliy o‘quv yurti sharoitida vujudga keladigan individual va ijtimoiy-psixologik hodisalar oliy o‘quv yurti hayotida, talabalar ta‘lim va tarbiyasi masalalarini hal qilishda muhim rol o‘ynaydi. Oliy o‘quv yurtlarida talabalar, oliy o‘quv yurti pedagogik jamoasi, rahbar va xodimlar o‘rtasidagi shaxslararo munosabatlar jamiyatning kelajakda ziyoli qatlamini tashkil etuvchi talabalarni tarbiyalashda, shaxsiy yetukligini ta‘minlashda namuna vazifasini bajaradi. ―Biz farzandlarimizning faqat jismoniy va ma‘naviy sog‘lom o‘sishi, balki ularning eng zamonaviy intellektual bilimlarga ega bo‘lgan, uyg‘un rivojlangan insonlar bo‘lib, XXI asr talablariga to‘liq javob beradigan barkamol avlod bo‘lib voyaga yetishi uchun zarur barcha imkoniyat va sharoitlarni yaratishni o‘z oldimizga maqsad qilib qo‘yganmiz‖, deb ta‘kidlanganidek1, oliy ta‘lim shaxsda nafaqat bilim va kasb, ixtisoslik va mutaxassislik, balki zamonaviy intellektual shaxsni shakllantirib beradi. Buning uchun esa ijtimoiy muloqot mahorati aynan oliy o‘quv yurtida shakllanadigan jarayondir.
Do'stlaringiz bilan baham: |