Nogironlik kuni nima uchun nishonlanadi?

Nogironlik kuni nima uchun nishonlanadi?

Kezi kelganda aytish joiz, ushbu sana 1992-yilda qabul qilingan BMT Bosh Assambleyasi qaroriga binoan har yili nishonlanib kelinmoqda. Bundan asosiy maqsad jamiyatda nogironlar duch kelayotgan muammolarni yaxshiroq tushunish, ularni bartaraf etish, qadr-qimmati, huquqlarini himoyalash, turmush sharoitlarini yaxshilashdan iborat. Zero, bu toifa insonlarning sogʻligida muammosi bor boʻlgani bois imkoniyatlari cheklangan va moddiy sharoiti ham talab darajasida emas. Ularni har tomonlama qoʻllab-quvvatlash orqali jamiyatning siyosiy, ijtimoiy, iqtisodiy va madaniy hayotidagi faolligini taʼminlashga erishish mumkin.

Xulosa

Bugungi kunga kelib dunyo aholisining 1 milliarddan ortigʻida, yaʼni yetti kishidan kamida bittasida muayan bir turdagi nogironlik mavjud. Shularning 100 milliondan ortigʻini bolalar tashkil etadi. Demak, safimizdagi imkoniyati cheklanganlarni har tomonlama safimizda mavjudligini taʼminlash uchun ularning teng huquqliligini taʼminlash, qadr-qimmatini himoya qilish darkor.

“O‘zbekiston Respublikasida nogironlarni ijtimoiy himoya qilish to‘g‘risida”gi Qonun, Birlashgan millatlar tashkiloti Bosh Assambleyasining 1992 yil 14 oktabrdagi 47/3-sonli qaroriga asosan har yili 3 dekabr “Xalqaro nogironlar kuni” sifatida respublikamizda keng nishonlanib kelinmoqda.

Bugun, 3 dekabr kuni  O‘zbekiston davlat konservatoriyasida ham mehr-muruvvat oyligi doirasida “3 dekabr – Xalqaro nogironlar kuni”ga bag‘ishlangan respublika tadbiri bo‘lib o‘tdi.

Konservatoriyada tahsil oluvchi nogironligi bor 25 nafar talaba-yoshlarni hamda ikki nafar pedagog-xodimlarni bayram munosabati bilan O‘zbekiston Respublikasi Madaniyat vaziri – O‘zbekiston davlat konservatoriyasi rektori B.Sayfullaev tabriklab, ularga pul mukofotlari topshirdi.