Notepad++ — ochiq kodli, erkin tarqatiladigan matn muharriri bo‘lib, dasturlash tillari kodlarini yozishda qulay dastur hisoblanadi. U c++

Dasturchilar uchun qulay matn muharriri — Notepad++
Bloger: akmx · 21.10.2015
Notepad++ — ochiq kodli, erkin tarqatiladigan matn muharriri bo‘lib, dasturlash tillari kodlarini yozishda qulay dastur hisoblanadi. U C++ dasturlash tilida yozilgan bo‘lib, qo‘shimcha modul yoki kodlar orqali kengaytirilishi mumkin.
Bu dastur orqali quyidagilarni amalga oshirish mumkin:
— dasturlash tillari kodlarini sintaksisini har xil rangda ifodalash;
— kodlarni birlashtirish va ochish;
— kodlarni avtomat oxirigacha yozish va teglarni yopish funksiyasi;
— bir necha oynalar ochib, zakladkalar hosil qilish;
— kerakli yozuvlarni qidirish va avtoman o‘zgartirish;
— fayllarni solishtirish;
— buyruqlarni klavitura tugmalariga bog‘lash;
— kodirovkalarni o‘zgartirish;
— qatorlarni raqamlash;
— matn o‘zchamlarini o‘zgartirish;
— dasturlash kodlari orqali yaratilgan protsedura va funksiyalarni aniqlay olish;
YUqoridagilardan tashqari yana ko‘p qulayliklarga ega. Ko‘rinib turibdiki, oddiy «Bloknot«dan ancha ustun. Dasturlash bilan shug‘ullanuvchi har bir dasturchi bu dasturni o‘zi bilan olib yurish foydalidir, chunki kodlar aniq ko‘rsatiladi va bu dastur hajmi kichikdir(dasturlash tillari IDE lari odatda katta hajmli bo‘ladi).
Notepad ++ quyidagi dasturlash tillari sintaksislarini tushunadi:
ActionScript, ASP, Ada, ASCII-grafika, Assembler, AutoIt, BAT, C, C#, C++, Caml, CSS, CoffeeScript (s 6.5), doxygen, Fortran, HTML, INNO, Haskell, Java, JavaScript, KiXtart, Lisp, Lua, Make, MATLAB, NSIS, Objective-C, Paskal, Perl, PHP, PostScript,Python, Ruby, Scheme, UNIX Shell Script, Smalltalk, SQL, Tcl, TeX, Verilog, VHDL, Visual Basic, VBS, XML.
Kodlar sintaksislarini, o‘zingiz istalgan ranglarda chiqadigan(belgilanadigan) qilishingiz, bir so‘z bilan aytganda, interfeysni o‘zingizning didingizga moslashtirishingiz mumkin.
Bu dasturni, Notepad++ veb sahifasidan yuklab olishingiz mumkin, o‘rnatish ham qiyinchilik tug‘dirmaydi. Quyida bir necha notepad++ dan olingan rasmlarni ko‘rishingiz mumkin.