O’g’lim bo’ylaringdan o’zim aylanay, Yillar, orzularim bo’yin ko’rsatar

O’g’lim bo’ylaringdan o’zim aylanay,
Yillar, orzularim bo’yin ko’rsatar.
Senga bolalikni o’rgatgan hayot.
Endi oilalik darsin o’rgatar.

Sen mening borlig’im, jonimsan bolam,

Qanday yarashibdi kuyovlik to’ni.
Har dam ravon bo’lsin umr yo’llaring,
Baxting to’kin bo’lsin qutlayman seni.

Sizga hamroh bo’lsin har vaqt quvonchlar,

Baxtlardan har doim yuzimiz kulsin
Yoningda turgan shu pariro’y malak,
Bizga kelin emas qizimiz bo’lsin.

Umr yo’llarini birlikda kezib,

Sinov kelganida yenginglar birga.
Avaylav asranglar bir biringizni,
Shunda hayotingiz to’ladi nurga.

Bu bir onangizdan kichik nasihat,

Gaplarim har doim quloqda tursin.
Mayli men ham sekin tugata qolay,
Visol oqshomingiz muborak bo’lsin.