Оилавий тиббиёт асослари илк фаолиятимда инсонлар лаби, бурни ва юз ифодаларини бир- бирига боғлиқ

Профилактика 
даражалари 
Профилактик хизмат усуллари ва назорати 
Учламчи 
Касалликларнинг зўрайишини олдини олишга қаратилган тиббий 
профилактика. 
Ишга яроқсизлик ҳолатини олдини олиш ва тиббий тиклаш, турғун 
йўқотилганда эса уни тиклаш йўлларини излаш чора-тадбирлар 
мажмуаси 
Иккиламчи 
Хавф омилларини йўқотишга, касаллик ёки организмдаги 
ўзгаришларни эрта муддатларда аниқлаб, уларнинг зўрайишини 
олдини олиш ёки секинлаштиришга йўналтирилган чора-
тадбирлардир. Бу нозологик ташҳисга қадар бўлган тиббий-
ижтимоий профилактика бўлиб, ўзгаришларни эрта аниқлаб, уларни 
даволашга қаратилгандир 
Бирламчи 
Касаллик сабабларни йўқотиш йўли билан унинг келиб чиқишини 
олдини олиш ва хавфли омилларни мўътадиллаштиришга 
йўналтирилган чора-тадбирлар. Бу асосан ижтимоий ва омилли
профилактика ҳисобланиб ҳаёт кечиришнинг қулай шароитларини 
сақлаб туришга йўналтирилган ҳамда хавф омиллари даражаси юқори 
бўлмаган шахсларга мўлжаллангандир 
УАВ фаолиятида ўз ҳудудида яшовчи аҳоли ва беморларнинг тиббий билим савияси муҳим аҳамият 
касб этади. Бунга эришиш мақсадида айрим ҳолларда у ёки бу кенг тарқалган касалликларга чалинган 
беморлар учун махсус «мактаблар» ташкил этилиши (артериал гипертензия, қандли диабетга чалинган 

---

беморлар мактаблари ва б.қ.) мақсадга мувофиқдир. Уларнинг ташкил этилиши нафақат аҳолининг тиббий 
савиясини оширади, балки беморлар билан доимий ва бевосита мулоқотни кенгайтиради ҳамда пировард 
натижада ўз оилавий врачига ишонч туйғусини мустаҳкамлайди. 
Юқоридагиларнинг барчаси умумий амалиёт врачи ХХI аср мутахассиси дейишга тўлиқ асос бўлади. 
Чунки у: 

ҳаммабоп; 

маблағни тежайди; 

беморлар талабини қониқтиради; 

тўғри ва тез ташҳис қўяди; 

профилактика ишларига алоҳида эътибор беради; 

оилани ундаги шароитни эътиборга олган ҳолда даволайди; 

беморни бир бутун ҳолда кўриб, барча касалликларни муолажа қилади. 
Шундай қилиб УАВ чуқур клиник фикрловчи, ўз беморлари ҳақида доимий равишда ғамхўрлик 
қилувчи, ўзига бириктирилган аҳоли орасида улкан ҳурматга эга бўлган юқори савияли мутахассис.
Республикамизда ҳам умумий амалиёт врачлари мактаби шакллана бошланди ва соғлиқни сақлаш 
тизимида ўз ўрнини тобора мустаҳкамлаб бормоқда. Яқин келажакда улар халқимиз саломатлигини сақлаш 
ва тиклашда ҳал қилувчи ўрин эгаллайдилар. Шу сабабли биз ушбу қўлланмани таниқли француз ёзувчиси