Олий ва урта махсус таълим вазирлиги «тошкент ирригация ва қишлоқ ХЎжалигини механизациялаш мухандислари институти» мту

Мавзуни танлаш ва курс ишининг мазмунига қўйилган талаблар


Кафедрада профессор-ўқитувчилар курс иши мавзулари ва уларнинг таҳминий режаларини ишлаб чиқади. Тузилган мавзулардан талаба ўз қизиқиши ва назарий билимларини ҳисобга олиб, мустақил равишда курс иши учун мавзу танлайди. Танланган мавзу хўжалик юритувчи субъектларнинг фаолиятини атрофлича назарий ва амалий ўрганиш, уларни истиқболини ривожлантириш муаммоларини ечимини топиш бўйича тавсия ва таклифлар беради.
Курс ишининг мазмуни танланган мавзуга мос келиши лозим. Курс иши уч қисмдан, яъни кириш, асосий қисм, ҳамда хулоса ва таклифлардан иборат бўлади. Курс иши режаси талаба томонидан тузилади ва раҳбар ўқитувчи томонидан кўриб чиқилади.
Кириш қисмида танланган мавзунинг долзарблиги ва сув хўжалиги тизимидаги аҳамияти, аниқ шароитларда бу муоммонинг қўйилиши ва ечимининг ўзига хос хусусиятлари асослаб берилади. Шунингдек, курс ишида мақсад ва вазифалар аниқ кўрсатилади.
Курс ишининг асосий қисмида ўрганилаётган мавзунинг назарий ва амалий жиҳатлари очиб берилади, иқтисодий маълумотлардан фойдаланган ҳолда таҳлил қилинади. Шу билан бирга барча назарий билимлардан, иқтисодий жараёнларни ўрганиш усулларидан фойдаланган ҳолда мавзунинг моҳиятини очиб бериши лозим бўлади. Фойдаланилган адабиёт тўғрисида изоҳ матнда берилади
Асосий қисм ўрганилган мавзунинг моҳиятидан келиб чиққан ҳолда аниқ таклифлар билан тугалланади.
Хулоса ва таклифларда бажарилган курс иш қисқача якунланиб, танланган курс иши мавзуси йўналишларига мувофиқ ҳолда иқтисодий тахлилни ташкил этиш, хўжалик фаолиятини бошқаришни такомиллаштириш бўйича аниқ таклифлар баён этилади.
Курс иши талаба томонидан қўлёзма шаклида мустақил ёзилади. Кўп сўзли баённомаларга, шунингдек ўқув қўлланмалар ва иқтисодий адабиётлардан тўғридан-тўғри кўчириб ёзишга рухсат этилмайди.
Курс ишини топшириш муддати ўқув режасига биноан белгиланади. Курс иши раҳбари талаба билан биргаликда курс иши топшириқларини ва уларни бажаришни тақвимий жадвалини ишлаб чиқади.
Курс ишини бажариш раҳбар томонидан тасдиқланган топшириқларга ва тақвим жадвалига мувофиқ ҳолда амалга оширилади.
Курс иши белгиланган муддатда кафедрага топширилади. Иш кафедра профессор-ўқитувчилари томонидан уч кун муддатда ўқиб чиқилиб, ҳимояга рухсат этилади. Агар иш талабга жавоб бермаса тузатишга қайтарилади. Ҳимояга рухсат берилган ишни кафедра томонидан тузилган ҳайьат белгиланган график асосида қабул қилади ва баҳолайди.