Oliy va o`rta maxsus ta’lim vazirligi toshkent viloyati chirchiq davlat pedagogika instituti

Mavzuning maqsad va vazifalari. Ishning bosh maqsadi XIX asr oxiri XX asr boshlarida Afg’ontistonda ingliz-rus raqobatchiligi asnosida Afg’oniston diplomatiyasini tarixiy, tahliliy nuqtai nazardan yalpi o'rganishdan iborat.

Ushbu maqsadga erishish uchun quyidagi vazifalar belgilangan

1. “Katta O’yin“ va “Salobatli yurishlar" tushunchasining kelib chiqish tarixini ochib berish;

2. Tarixiy manbalar va adabiyotlarga tayangan holda Afg’onistonda ingliz-rus raqobatchiligini mazmuni, shakllanish jarayoni, tadrijiy rivojini aniqlash;

3. XIX asr oxiri va XX asr boshlarida Afg’onistonda ingliz-rus raqobatchiligi natijasida yuzaga kelgan shartnoma va kelishuvlarni o’rganish va tahlil qilish;

4. Afg’oniston davlatining xorijiy davlatlar bilan diplomatik aloqalarini yoritish;

5. XIX asr oxiri va XX asr boshlarida Afg’onistonning Angliya va Rossiya bilan diplomatik aloqalarni o’rganish va ularni hozirgi Afg’onistonda yuz berayotgan diplomatik jarayonlar bilan solishtirish;

6. Afg’oniston davlati ingliz-rus raqobatchiligiga bo’lgan munosabatini o’rganish va yoritib berish;

Afg’oniston davlatchilik tarixi ming yillar ichida yuz bergan son-sanoqsiz voqealar, xorijdan kelgan yog'iylarning xurujlari, yuksalish va tanazzul davrlariga qaramay, uzluksiz davom etgan jarayondir. Tabiiyki, bu davr ichida afg’on davlatchiligining tarkibiy qismi, uning ajralmas atributi bo'lgan diplomatik munosabatlar ham izchil suratda davom etib kelgan. To'g'ri, u ma'lum voqealar ta'sirida ayrim hollarda sussaygan, ba'zi vaqtlarda muvaffaqiyatsizliklar girdobiga duch kelgan, lekin hamma vaqt o'z shakl va mazmunida qadimiy afg’on urf-odatlar, Afg’onistondagi azaliy o'troq hamda ko'chmanchi xalqlarning bu sohadagi an'analarini davom qildirgan, uni turli shakl va ko'rinishlarda o'zida aks ettirib kelgan.