O‘q otuv qurollaridan jarohatlanishlar tinchlik va harbiy harakatlar davrida yuzaga keladi. Tinchlik davridagi jarohatlar ovchilikda foydalaniladigan o‘q otuv qurollari va o‘qlari bilan yetkaziladi

Snaryadlar – har xil fugasli, parchalanuvchi, yondiruvchi, zirhteshar, kimyoviy bo‘lishi mumkin. Snaryadlar portlaganida mayda parchalarga bo‘linib, kuchli havo to‘lqini hosil qiladi. Kombinatsiyali ta’sir etuvchi – yonish va kimyoviy zararlanishning bir vaqtda yuzaga kelishi kuzatiladigan o‘q qurollari takomillashtirilib bormoqda.

O‘qlarning kalibri va vazni yengillashtirilib, uchish tezligining tovushdan ham tez bo‘lganligi natijasida 700-2500 m/s va undan ham tezlanib ta’sir etuvchi kinetik energiyasining oshishi ta’sirida ular to‘qimaga chuqur kirib, uzun va murakkab yo‘l hosil qilib, hamda to‘qimalarni burda-burda qilib yirtib, vayron qiladi. Tinchlik davrida qurilish maydonida, karer, shaxta, konlar va boshqa joylarda ishlatilgan portlovchi moddalar ta’siridagi bir vaqtning o‘zida berilgan zarbada to‘lqindan va kuyishdan jarohatlanish mumkin.